ސަރުކާރުން ތެލުގެ ސަބްސިޑީއަށް ހޭދަކުރާ އަދަދު އިތުރު ކުރުމަށް ބޮޑު ކަންނެލި ޔޫނިއަން (ބީކޭއެމްޔޫ) އިން ގޮވާލައިފިއެވެ.
ބީކޭއެމްުޔީއިން ބުނީ ތެލަށް ކުރާ ހަރަދު ބޮޑުވުމުގެ ސަބަބުން މަސްވެރިކަމަށް ބޮޑެތި ގޮންޖެހުންތަކެއް ކުރިމަތިވަމުން އަންނަ ކަމަށެވެ.
އެޔޫނިއަނުން ކޮށްފައިވާ ޓްވީޓެއްގައިވާ ގޮތުން މަހަށް ފުރަން ބިރު ބޮޑުވެެއްޖެ ކަމަށާއި މަސްވެރިންނަކީ ސިޔާސީ އައްޑަނަ އަކަށް ނުހަދާ މަސްވެރިންނަށް އަޅާލުން މުހިއްމު ކަމުގައި ފާހަގަކޮށްފައިވެއެވެ.
ތެލުގެ އަގު އިންތިހާއަށް އުފުލިއްޖެ. ދޯނިފަހަރު މަހައް ފުރަން ބިރު ބޮޑުވެއްޖެ. މަސްވެރިންނަކީ ސިޔާސީ އައްޑަނަ އަކައް ނުހައްދަވާ މި ސިނާއަތަށް އަޅާލުން މުހިންމު. ތެލުގެ ސަބްސިޑީ އިތުރު ކޮށްދެއްވަން ގޮވާލަން. @faya_i @DrHussainHassan @ibusolih pic.twitter.com/aH92JV2WCH
— Bodu Kanneli Masveringe union- BKMU (@FishermensUnion) June 12, 2022
ރައީސް އިބްރާހިމް މުހައްމަދު ސާލިހާއި، އިކޮނޮމިކް މިނިސްޓަރު ފައްޔާޒް އިސްމާއީލްގެ އިތުރުން ފިޝަރީޒް މިނިސްޓަރު ޑރ ހުސައިން ރަޝީދު ޓެގްކޮށްފައިވާ އެޓްވީޓް ނިންމާލާފައިވަނީ ސަބްސިޑީ އިތުރުކުރުމަށް ގޮވާލަމުންނެވެ.
ދުނިޔޭގެ ބާޒާރުގައި މިއަހަރުގެ ކުރީކޮޅު ސާފުނުކުރާ ތެޔޮ ފީފާއެއްގެ އަގު ހުރީ 70 ޑޮލަރުގައި ނަމަވެސް މިހާރު އެއަގު ވަނީ 121 ޑޮލަރަށް މަތިވެފައެެވެ.
އެހެންކަމުން ރާއްޖޭގައި ވިއްކާ ތެލުގެ އަގުވެސް ވަނީ އުފުލިފައެވެ. އަދި މަސްވެރިން ނާއި އާންމުން ގެންދަނީ އެކަމާ ނުރުހުން ފާޅު ކުރަމުންނެވެ. އަދި އެކަމުގެ ފާޑު ކިއުންތައް ދަނީ ސަރުކާރަށް އަމާޒުވަމުންނެވެ.