2023ގެ ރިޔާސީ އިންތިހާބުގައި ބައިވެރިވެވަޑައިގަތުމަށް ރައިސުލްޖުމުހޫރިއްޔާ އިބްރާހިމް މުހައްމަދު ސޯލިހު ނިންމި ނިންމުމަށް ފުރިހަމައަށް ތާއީދު ކުރައްވާކަމަށް ޑިފެންސް މިނިސްޓަރ މާރިޔާ އަހުމަދު ދީދީ ވިދާޅުވެއްޖެއެވެ.
ރައީސް ސޯލިހު ރިޔާސީ އިންތިހާބުގައި ބައިވެރިވެލައްވާނެކަމަށް ނިންމާފައިވާ ނިންމުމަށް އަލިއަޅުވާލައި ޓްވީޓެއް ކުރައްވައި މާރިޔާ ވިދާޅުވީ، އެ ކަމަނާއަށްވަނީ، ރައީސް ސޯލިހުއާއި އެކުގައި މަސައްކަތްތަކެއް ކުރެއްވިފައިކަމަށެވެ. އަދި އެ މަސައްކަތްތަކުގެ ތެރެއިން ރައީސް ސޯލިހަކީ، ކެތްތެރި، އޯގާތެރި ޓީމު ލީޑަރެއްގެ ގޮތަށް ފާހަގަކުރެވިފައިވާކަމަށެވެ. އަދި އެ މަނިކުފާނަކީ، ކަންކަން ދަސްކޮށް، އަޑުއެއްސަވާ ފުޅާވިސްނުމެއް ގެންގުޅުއްވާ ބޭފުޅެއްކަމަށް އިޝާރާތް ކުރައްވާ މާރިޔާ ވިދާޅުވީ ރައީސް ސޯލިހު 2023 ގައި ރިޔާސީ ރޭހުގައި ބައިވެރިވެލެއްވުމަށް ފުރިހަމައަށް ތާއީދު ކުރައްވާކަމަށެވެ.
I have worked with HEP @ibusolih as part of his cabinet from 17 Nov 2018 & found him to be a great team leader, patient, willing to listen with an open mind but decisive when needed. I fully endorse him and support his candidacy in his presidential bid for 2023.
— Mariya Didi 🎈 (@MariyaDidi) June 14, 2022
ރައީސް ސޯލިހުގެ ރިޔާސީ ކެނޑިޑެސީއަށް ފުރިހަމައަށް ތާއީދު ކުރައްވާކަމަށް މާރިޔާ ވިދާޅުވެފައިވާއިރު، އެ މަނިކުފާނުވަނީ ނޫސްވެރިންނާއި ބައްދަލުކުރައްވާ، ރިޔާސީ ކެންޑިޑެސީ އިއުލާނުކުރައްވާފައިއެވެ. ރައީސް ސޯލިހުގެ ނިންމަމަށް ރައީސް ނަޝީދު ފާޑުވިދާޅުވެފައިވާއިރު، އެ މަނިކުފާނުވަނީ ޖުމުހޫރީ ޕާޓީގެ ލީޑަރު ގާސިމާއި ބައްދަލު ކުރެއްވުމަށް މާމިގިއްޔަށް ވަޑައިގެންފައިކަންވެސް ފާހަގަކޮށްލެވެއެވެ. ރައީސް ސޯލިހު ގާސިމް އިބްރާހިމް އާއި ބައްދަލު ކުރެއްވުމުން ފާޑުވިދާޅުވެ ރައީސް ނަޝީދު ފާހަގަކުރެއްވީ، ރައީސް ސޯލިހު ރިޔާސީ އުންމީދުތައް ބަރޯސާވެފައިވަނީ، ޖޭޕީގެ ނިންމުމަށް ކަމަށެވެ. އަދި ޖޭޕީއިން ގޮތެއް ނިންމާފައިވާތަން ނުފެންނަކަމަށްވެސް ރައީސް ނަޝީދު ފާހަގަކުރެއްވިއެވެ.
advertisment