ބަހަނާ ނުދައްކަވައި އިސްލާމިކް މިނިސްޓަރ އިސްތިޢުފާ ދެއްވާ: ޖަމީލް

އިސްލާމިކް މިނިސްޓާ ޑރ. އަހްމަދު ޒާހިރު އަލީގެ އިތިއުފާއަށް ކުރީގެ ނާއިބު ރައީސް ޑރ. މުހައްމަދު ޖަމީލް އަހުމަދު ގޮވާލައިފިއެވެ.

ފ. ދަރަނބޫދޫގައި މިސްކިތެއްގެ ގޮތުގައި ކުރިން ބޭނުންކޮށްފައިވާ ތަނެއްގައި އިންޑިއާގެ މަސައްކަތު މީހުން ގެންގުޅޭ ވީޑިއޯއެއް ސޯޝަލް މީޑިއާގައި އާންމުވުމާއި ގުޅިގެން ޖަމީލް ވަނީ މިކަމާއިމެދު ކަންބޮޑުވުން ފާޅުކުރައްވާ މިސްކިތެއްގެ ގޮތުގައި ކުރީން ބޭނުންކުރި ތަނެއްގައި އިންޑިއާގެ މަސައްކަތު މީހުން ގެންގުޅޭ ގެންގުޅުމަކީ މިހާތަނަށް ރާއްޖޭގައި މާތްﷲގެ ގެކޮޅުގެ ހުރުމަތް ކަނޑާލުމަށް ހިންގުނު އެންމެ ފާޅުކަން ބޮޑު ވިޔާ ނުދާ އަމަލު ކަމަށް ވިދާޅުވެ ޓްވީޓެއް ކުރައްވާފައެވެ.

މިކަމާއި ގުޅިގެން ޖަމީލް ކުރެއްވި ޓްވީޓުގައި އިތުރަށް ވިދާޅުވެފައިވަނީ މިކަން ހުއްޓުމަށް މޯލްޑިވްސް ޕޮލިސް ސާވީސް އިން ނުކުޅެދޭނަމަ ރައްޔިތުން މިކަމާއި ދެކޮޅަށް ދެތުވާން ޖެހޭކަމަށެވެ.

މިއީ މިހާ ހިސާބަށް ރާއްޖޭގައި الله ގެ ގެކޮޅުގެ ޙުރުމަތް ކަނޑާލުމަށް ހިންގުނު އެންމެ ފާޅުކަންބޮޑު ވިޔާނުދާ ޢަމަލް. މިކަން ހުއްޓުވަން@PoliceMv އިން ނުުކުޅުދޭނަމަ މުޅި ރާއްޖޭގެ ރައްޔިތުން ތެދުވާންޖެހޭ. ބަހާނާ ނުދައްކައި އިސްލާމިކް މިނިސްޓަރ އިސްތިޢުފާ ދެއްވާ pic.twitter.com/jIKtYq5k1i

— Mohamed Jameel Ahmed (@MJameelAhmed) June 18, 2022

ޓްވީޓުގައި އިތުރަށް ޖަމީލް ވަނީ އިސްލާމިކް މިނިސްޓާ ޑރ. އަހްމަދު ޒާހިރު އަލީ ބަހަނާ ނުދައްކަވާ އިސްތިގުފާ ދެއްވުމަށް ގޮވާލާފައެވެ.

މިސްކިތެއްގެ ގޮތުގައި ކުރީން ބޭނުންކުރި ތަނެއްގައި އިންޑިއާގެ މަސައްކަތު މީހުން ގެންގުޅޭ މައްސަލަ ފެންމަތިވެ ފާޑުކިޔުން ބޮޑުވުމުން އިސްލާމިކް މިނިސްޓްރީން ވަނީ ބަޔާނެއް ނެރެފައެވެ. އެ ބަޔާނުގައި ބުނެފައިވަނީ އެ ރަށުގައި އަލަށް އިމާރާތް ކުރި މިސްކިތް 2017 ވަނަ އަހަރު ބޭނުން ކުރަން ފެށުމާއެކު ކުރީން ބޭނުން ކުރަމުން އައި މިސްކިތް ބަންދުކޮށްފައިވާ ކަމަށެވެ. އަދި މި މިސްކިތުގައި ނަމާދު ނުކުރާތީ މިސްކިތުގައި ގުރުއާން ކުލާހެއް ހިންގަން އެ ރަށު ކައުންސިލުން އިސްލާމިކް މިނިސްޓްރީގައި އެދުމާ ގުޅިގެން އެ މިސްކިތް ކައުންސިލާ ހަވާލުކުރި ކަމަށެވެ.

އޭގެ ފަހުން އެތަނުގައި ކައުންސިލުން ގުރުއާން ކުލާސް ހިންގިކަން އެ މިނިސްޓްރީއަށް އެނގިފައިވާ ކަމަށްވެސް ބަޔާނުގައިވެއެވެ.

މިސްކިތެއްގެ ގޮތުގައި ކުރީން ބޭނުންކުރި މިތަނުަގައި އިންޑިއާގެ މަސައްކަތު މީހުން ގެންގުޅޭ ވީޑިއޯ އާންމުކުރެއްވީ މާލެ ސިޓީގެ މޭޔަރު، ކުރީގެ ހައުސިން މިނިސްޓަރު ޑރ. މުހައްމަދު މުއިއްޒުއެވެ. މުއިއްޒު އާންމު ކުރެއްވި އެ ވީޑިއޯގައި މިސްކިތެއްގެ ގޮތުގައި ކުރީން ބޭނުންކުރި ތަނެއްގައި އިންޑިއާގެ މަސައްކަތު މީހުން ގެންގުޅޭ މައްސަލާގައި އާންމުންގެ މީހަކު ކަންބޮޑުވުން ފާޅުކޮށް ވާހަކަ ދައްކަމުންދާ އަޑު އިވެމުންދެއެވެ. އެ މީހާ ބުނެފައިވާ ގޮތުގައި އެ ތަނުގައި އިންޑިއާ މީހުން ގެންގުޅެ، އެ މީހުން ނިންދަވާ ހަދާކަން އެނގުނީ އެއް ދުވަހަކު ވުލޫކޮށްލަން އެ މިސްކިތަށް އެރުމުންނެވެ. އަދި އޭނާ ދިޔައީ މިކަންތައް ހުއްޓުވައި ކުށްވެރިކުރުމަށް ގޮވާލައި، އެކަމާއި ދެކޮޅަށް އިލްމުވެރިންނާއި އާންމުން ތެދުވަންވެސް ގޮވާލަމުންނެވެ.

މުއިއްޒު އާންމު ކުރެއްވި ވީޑިއޯއާ ގުޅިގެން އިލްމުވެރިން ހިމެނޭހެން ގިނަ ބަޔަކު ދަނީ ކަންބޮޑުވުން ފާޅުކޮށް އެކަން ވަގުތުން ހުއްޓުވަން އެދެމުންނެވެ. އަދި އެއީ ބަޔަކު ގަސްތުގައި ދީނަށް ފުރައްސާރަ ކުރުމުގެ ގޮތުން ކޮށްފައިވާ ކަމެއް ކަމަށްވެސް ބައެއް މީހުން ދަނީ ބުނަމުންނެވެ.