ނ. ވެލިދޫ ދޯނި އެހެލާ ސަރަހައްދު ހެދުމުގެ މަޝްރޫއަށް ބޭނުންވާ ބޮޑުހިލައިގެ ދެވަނަ ޝިޕްމަންޓް ޕްރޮޖެކްޓް ސައިޓަށް ގެންގޮސްފައިވާ ކަމަށް އެމްޓީސީސީ އިން ބުނެފިއެވެ.
އެ މަޝްރޫއުގެ ދަށުން، ބިން ހިއްކުމުގެ 85 ޕަސެންޓް ނިމި ރިވެޓްމެންޓް ޖެހުމުގެ 58 ޕަސެންޓް ވަނީ ނިމިފައެވެ. އަދި 3.48 ހެކްޓަރުގެ ބިން ހިއްކުމާއި 255 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި ބޭރުތޮށި ލުމުގެ މަސައްކަތް ކުރުމަށް ހަމަޖެހިފައިވާ ކަމަށް ވެސް އެމްޓީސީސީ އިން މައުލޫމާތު ދީފައިވެއެވެ.
މި މަޝްރޫއަކީ 18.2 މިލިއަން ރުފިޔާގެ މަޝްރޫއެކެވެ.
