މާތްވެގެންވާ އިސްލާމް ދީނަށް ހަޖޫޖެހުމާއި ފާހިޝް ކަންކަން އާންމުވީ ކަމާބެހޭ ވަޒީރަކަށް އަދާލަތުގެ ރައީސް އިމްރާން އަބްދުﷲ ހުންނަވަނިކޮށްކަމަށް ކުރީގެ ނައިބު ރައީސް ޑރ. މުހައްމަދު ޖަމީލް ވިދާޅުވެއްޖެއެވެ.
ޑރ. ޖަމީލް މިފަދައިން ވިދާޅުވީ އަދާލަތު ޕާޓީ އުފެދުނީއްސުރެ، އެ ޕާޓީއަށްވުރެ ބޮޑަށް ދީނަށް ހިދުމަތްކުރި ޕާޓީއެއް ނުވަތަ ޖަމާއަތެއްވެސް ރާއްޖޭގައި ނެކަމަށް މިނިސްޓަރު އިމްރާން ވިދާޅުވުމާއި ގުޅިގެންނެވެ.
ޑރ، ޖަމީލް ކުރެއްވި ޓްވީޓެއްގައި ވިދާޅުވީ ލޯމަތިން ފެންނަން ހުރި ކަންތައް އޮޅުވާނުލެވޭނެކަމަށާއި މިއަދު މުޅި ރާއްޖޭގައި ވަނީ ބަނގުރާ އާންމުވެފައިކަމަށެވެ.
ލޯމަތިން ފެންނަން ހުރި ކަންތައް އޮޅުވާނުލެވޭނެ. ކޮބާ މޭޑޭގައި ކުރި ތުހުމަތުތައް؟ މުޅި ރާއްޖޭގައި ބަނގުރާ އާންމުވެފައި. ހަށިވިއްކުން ފެޝަނަކަށް. ރަސޫލާއަށާއި ދީނުގެ ޙުކުމްތަކަށް ގޮންޖެހުން، ޖިންސީ ފާޙިޝް އަމަލު ޢާންމު މިވީ ކަމާއި ގުޅޭ ވަޒީރަކަށް ހުރެ.މިއީ ދީނަށް ޚިދުމަތް ކުރުން؟ https://t.co/t4g8z4voav
— Mohamed Jameel Ahmed (@MJameelAhmed) July 14, 2022
މީގެއިތުރުން ޑރ. ޖަމީލް ވިދާޅުވީ މިއަދު ހަށިވިއްކުންވެސް ފެޝަނަކަށްވެފައިވާކަމަށެވެ. އަދި ރަސޫލާއަށާއި ދީނުގެ ޙުކުމްތަކަށް ގޮންޖެހުމާއި ޖިންސީ ފާޙިޝް އަމަލު އާންމު ވެފައިމިއަދު މިވަނީ ކަމާއި ގުޅޭ ވަޒީރަކަށް މިނިސްޓްރު އިމްރާން ހުންނަވަނިކޮށްކަމަށް ވިދާޅުވެ ޑރ. ޖަމީލް ވަނީ ވަރަށް ބޮޑަށް ފާޑު ވިދާޅުވެފައެވެ.
advertisment