ރައީސުލްޖުމުހޫރިއްޔާ އިބްރާހިމް މުހައްމަދު ސާލިހު ތަސްދީގު ކުރައްވާފައިވާ، ހެއްކާއިބެހޭ ބިލު ފަރުމާކޮށްފައި ވަނީ، ސަރުކާރުގެ ތެރޭގައި ހިންގާ ނޭދެވޭ އަމަލުތައް، ހާމަކުރާ ފަރާތްތައް ހުއްޓުވުމަށާއި، ސަރުކާރު ޒިންމާދާރު ކުރުވުމަށް ކުރަމުންދާ މަސައްކަތްތައް ހުއްޓުވުމަކަށް ގެނައުމަށް ކަމަށް އިދިކޮޅު ކޮންގްރެސް ކޯލިޝަނުން ބުނެފި އެވެ.
ރައީސް ސާލިހު ތަސްދީގުކުރައްވާފައިވާ، ހެއްކާއި ބެހޭ ބިލުގެ ސަބަބުން މައުލޫމާތު ގެނެސްދޭ ފަރާތްތަކުގެ މަސްދަރު ހާމަ ކުރަން މަޖުބޫރުވެގެންދާކަމާއިމެދު ކަންބޮޑުވުންފާޅުކޮށް، އިދިކޮޅުން ނެރިފައިވާ ބަޔާނުގައި ބުނެފައިވަނީ، އެ ކޯލިޝަނުން، ހެއްކާއި ބެހޭ ބިލު ތަސްދީގު ކުރެއްވުން ހަރުކަށި އިބާރާތުން ކުށްވެރިކުރާކަމަށެވެ. އަދި ދިވެހިރާއްޖޭގައި ނޫސްވެރިކަމުގެ މިނިވަންކަން އަންބުރާ ގާއިމުކުރުމަށް ބައިނަލްއަގުވާމީ ފަރާތްތަކުގެ އެހީއަށް ގޮވާލާކަަމަށްވެސް ބަޔާނުގައި ފާހަގަކޮށްފައިވެއެވެ.
ރައީސް ސާލިހު ސޮއި ކުރައްވާފައިވާ، ހެއްކާއި ބެހޭ ބިލާއިމެދު ކަންބޮޑުވުންފާޅުކޮށް އިދިކޮޅުން ބުނެފައިވަނީ، އެ ބިލު ފަރުމާކޮށްފައިވަނީ، ސަރުކާރުގެ ތެރޭގައި ހިންގާ ނޭދެވޭ އަމަލުތައް ހާމަކުރާ ފަރާތްތައް އެކަންކަން ހާމަކުރަން ފަސްޖެހިގެންދާނެގޮތަކަށްކަމަށެވެ. އަދި އެކަމުގެ ސަބަބުން ސަރުކާރު ޒިންމާދާރު ކުރުމަށް އޮންނަ މަގުތައް ހަނިވެގެންދާކަމަށްވެސް އިދިކޮޅުގެ ބަޔާނުގައި ބުނެފައިވެއެވެ.
ހެއްކާއި ބެހޭ ބިލު ތަސްދީގު ކުރެއްވުމާއި ގުޅިގެން، ސަރުކާރު ޒިންމާދާރު ކުރުމަށް އޮތް މަގެއް ހަނިވެގެންދާކަމަށް ފާހަގަކޮށް، އިދިކޮޅުން ނެރިފައިވާ ބަޔާނުގައި ބުނެފައިވަނީ، އެ ބިލުގެ ސަބަބުން، މަސްދަރު ހާމަނުކޮށްފި ފަރާތެއްގެ މައްޗަށް ޖިނާއީ ކުށެއް ކުރުމާއި އެއްފަދަ ހުކުމެއް ކުރެވިދާނެކަމަށެވެ. އަދި މިކަމަކީ، ވެރިކަން ދެމެހެއްޓުމަށް ސަރުކާރުން ވެއްޓިދާނެ ދަރަޖައިގެ އަމަލުގެ މިންގަނޑު ފެނިގެންދާ، ކަމެއް ކަމަށްވެސް އިދިކޮޅުން ބުނެފައިވެއެވެ.
ހެއްކާއި ބެހޭ ބިލުގެ ސަބަބުން، މަސްދަރު ހާމަކުރުމަށް ދެކޮޅު ހަދާ ފަރާތްތަކުގެ މައްޗަށް ޖިނާއީ ކުށެއް ކުރުމާއި އެއްވަރުގެ ހުކުމެއް އައިސްދާނެކަމަށް ފާހަގަކޮށް އިދިކޮޅުން ބުނެފައިވަނީ، ނޫސްވެރިންނަށް ބިރު ދެއްކުމަކީ، ފާއިތުވެދިޔަ ތިން އަހަރުގެ ތެރޭގައިވެސް ސަރުކާރުން އަމަލު ކުރަމުން އަންނަ ގޮތްކަމަށެވެ. އެެހެން ނަމަވެސް ނޫސްވެރިކަމަށް ހުރަސް އެޅުމުގެ ގޮތުން ސަރުކާރުގެ ފަރާތުން އެޅި މި ފިޔަވަޅުގެ ސަބަބުން، ރައީސް ސާލިހުގެ ވެރިކަން ދުނިޔޭގެ އެންމެ ހުދުމުތާރުވެރިކަންތަކާއި އެއްވަރުވެގެންދާކަމަށް އިދިކޮޅުން ފާހަގަކޮށްފައިވެއެވެ.
މީގެ އިތުރުން އިދިކޮޅުން ނެރިފައިވާ ބަޔާނުގައި ބުނެފައިވަނީ، ރައީސް ސާލިހު ތަސްދީގު ކުރެއްވި ހެއްކާއި ބެހޭ ގާނޫނު، ގާނޫނު އަސާސީގެ 28 ވަނަ މާއްދާއާއި ހިލާފުވާކަމަށެވެ. އަދި މަސްދަރު ހާމަކުރުމަށް މަޖުބޫރުކޮށްގެން ނުވާނެކަމަށް، ގާނޫނު އަސާސީގައި ބާޔާންކޮށްފައިވާކަން ފާހަގަކޮށް އިދިކޮޅުން ބުނެފައިވަނީ، އެހެންކަމުން އެ ބިލުން ރައްޔިތުންގެ މިނިވަންކަމުގެ ހައްގަށް ހުރަސްއެޅިގެންދާތީ، އެ ގާނޫނޫ ބާތިލުކޮށްދިނުމަށް ސުޕްރީމްކޯޓަށް ގޮވާލާކަމަށެވެ.
advertisment