ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ވެރިކަމުގެ ދައުރުގައި، ސަރުކާރުގެ ތެރޭގައި ހިންގާ ވައްކަމާއި ކޮރަޕްޝަންގެ އަމަލުތައް ހައްދުންނައްޓައި ގޮސްފައިވާކަމަށްވުމުން، އެމްޑީޕީގެ މި ސަރުކާރު ނިމުމަކަށް އައުން ލާޒިމްކަމަށް ކުރީގެ ކޮމިއުނިކޭޝަންސް މިނިސްޓަރު މުހައްމަދު މަލީހު ޖަމާލް ވިދާޅުވެއްޖެއެވެ.
ރައީސް ސާލިހުގެ ސަރުކާރުގެ ތެރޭގައި، ގިނަ އަދަދެއްގެ ކޮރަޕްޝަންގެ އަމަލުތައް ހިންގަމުންދާކަމަށް އެމްޑީޕީގެ މެމްބަރުންވެސް ފާހަގަކޮށްފައިވާއިރު، މަލީހު ވިދާޅުވީ، ރައީސް ސާލިހުގެ ސަރުކާރަކީ، އެކޮޅުކޮޅުން ހިނގަމުންދާ، ވާނުވާގައޮތް ސަރުކާރެއްކަން ރައްޔިތުންނަށް ހާމަވަމުންދާކަމަށެވެ. އަދި ރައީސް ސާލިހުގެ ވެރިކަމުގެ ވައްކަމާއި ކޮރަޕްޝަންގެ އަމަލުތައް ވަނީ އިންތިހާއަށް މައްޗަށްގޮސްފައިކަމަށް ފާހަގަކުރައްވާ މަލީހު ވިދާޅުވީ، އެމްޑީޕީގެ މި ވެރިކަން ނިމުމަކަށް އައުން މިހާރު ލާޒިމުވެފައިވާކަމަށެވެ.
Raees Ibu Solih ge sarukaarakee ekolhukolhun hingaa vaanuvaage oiy sarukaarehkan haamavamun midhanee. Vahkavaa corruption hahdhun matheega. MDP ge sarukaaru ninmun laazim. https://t.co/FPZcjJthLu
— Mohamed Maleeh Jamal (@maleehjamal) July 21, 2022
ރައީސް ސާލިހުގެ ވެރިކަމުގެ ދައުރުގައި، ސަރުކާރުގެ ތެރޭގައި ވައްކަމާއި ކޮރަޕްޝަންގެ އަމަލުތައް ހައްދު ފަހަނައަޅާ ގޮސްފައިވާކަމަށް ފާހަގަކުރައްވާ އިތުރަށް ވާހަކަދައްކަވަމުން، އިދިކޮޅު ކޯލިޝަނުން ހިންގާ އިހުތިޖާޖްތަކާއި މުޒާހަރާތަކަށް އަލިއަޅުވައި، މަލީހު ވިދާޅުވީ، ސުލްހަވެރިކަމާއިއެކު، ގާނޫނީ އިމުގެ ތެރެއިން ހިންގަމުންދާ އިހުތިޖާޖުތަކާއި، މުޒާހަރާތަކަށް ހުރަސްއަޅައި، ހުއްޓުވުމުގެ ބާރު، ގާނޫނޫ އަސާސީިގެ ތެރެއިން ސަރުކާރުގެ އެއްވެސް މުއައްސަސާއަކަށް ލިބިދީފައިނުވާނެކަމަށެވެ.
ސުލްހަވެރި މުޒާހަރާތަކަށް ހުރަސްއެޅުމުގެ ބާރު ޤާނޫނު އަސާސީއިން އެއްވެސް މުއައްސަސާއަކަށް ނުދޭ.މުޒާހަރާ ކުރާނަމަ ޔުނިފޯމް ތުރުކުރައްވާ ބޭފުޅުންޖެހޭނީ އެކަމަށް މަގުފަހިކޮށްދީ ޓްރެފިކް ބަލަހައްޓާދީ އަމާންކަން ކަށަވަރުކޮށްދޭން.ޤާނޫނު އެކޮޅުކޮޅުން ހޯމް މިނިސްޓަރ މާނަކުރުމަކީ ގޯހެއް. pic.twitter.com/RjeCI1gzoW
— Mohamed Maleeh Jamal (@maleehjamal) July 21, 2022
ދިވެހި ރައްޔިތުންގެ ޝުއޫރުތައް ފާޅުކުރުމުގެ މަގުސަދުގައި، ސުލްހަވެރިކަމާއިއެކު، ގާނޫނީ އިމުގެ ތެރެއިން ހިންގަމުންދާ މުޒާހަރާއެއް ހުއްޓުވުމުގެ ބާރު، ގާނޫނު އަސާސީން، އެއްވެސް ސަރުކާރުގެ މުއައްސަސާއަކަށް ލިބިދީފައިނުވާނެކަމަށް ފާހަގަކުރައްވާ މަލީހު ވިދާޅުވީ، ރައްޔިތުންތަކެއް ނުކުމެ، މުޒާހަރާއެއް ކުރާނަމަ، ސަރުކާރުގެ މުއައްސަސާއެއްގެ ޔުނިފޯރމު ތުރުކުރައްވައިގެން ތިބި ބޭފުޅުންގެ ޒިންމާއަކީ، އެކަމަށް މަގުފަހިކޮށްދީ، ޓްރެފިކް ބަލަހައްޓައި، އަމާންކަން ކަށަވަރުކޮށްދިނުންކަމަށެވެ. އަދި ގާނޫނާއި ހިލާފަށް ހޯމް މިނިސްޓަރު އަމުރުތަކެއް ނެރުމަކީ، ހެދިގެންދާ ގޯހެއްކަމަށްވެސް މަލީހު ފާހަގަކުރެއްވިއެވެ.
ރައީސް ސާލިހުގެ ސަރުކާރުގެ ތެރޭގައި ބޮޑެތި ވައްކަންތަކާއި، ހިޔާނާތާއި، ކޮރަޕްޝަންގެ އަމަލުތައް ހިންގަމުންދާކަމަށް ކުރީގެ ކޮމިއުނިކޭޝަންސް މިނިސްޓަރު މަލީހު ފާހަގަކުރެއްވިއިރު، އެމްޑީޕީގެ އިސް ސަފުގައި ތިއްބަވާ، މަޖިލީސް މެމްބަރުންވެސް އެފަދަ ތުހުމަތުތަކެއް ކުރައްވާފައިވެއެވެ. އެގޮތުން އެމްޑީޕީގެ އެތެރޭގެ އިންތިހާބުގެ ތެރޭގައި އެފަދަ ގިނަ ތުހުމަތުތަކެއް އިވިގޮސްފައިވާއިރު، ދާދި ފަހުން، މާފަންނު މެދު ދާއިރާގެ މެމްބަރު އިބްރާހިމް ރަޝީދުވަނީ އާރްޑީސީއަށް އަމާޒުކޮށް އެފަދަ ތުހުމަތުތަކެއް ކުރައްވާފައިއެވެ.
އާރްޑީސީން ޑޮލަރު ގަތުމަށް ނެރިފައިވާ އިއުލާނަކަށް އިޝާރާތް ކުރައްވާ، އިބްރާހިމް ރަޝީދު ވިދާޅުވީ، ދިވެހިރާއްޖައި ހިންގަމުންދާ ޑޮލަރުގެ ވަގު ވިޔަފާރި ނުވަތަ ޑޮލަރުގެ ކަޅުބާޒާރު ފުޅާ ކުރުމުގައި ސަރުކާރުގެ ކުންފުނިތަކުން ރޯލެއް އަދާކުރަމުންދާކަމަށެވެ. އަދި ރައީސް ސާލިހުގެ ސަރުކާރުން، ދިވެހިރާއްޖޭގެ ފޮރިން ރިޒާވް “ކޮރަޕްޝަނާ ތާރަ ކޮންކްރީޓަށް” ބަދަލުކޮށްފައިވާކަމަށްވެސް އެނާ ވިދާޅުވެފައިވާކަންވެސް ފާހަގަކޮށްލެވެއެވެ.