ހައްޤާއި ބާތިލް އޮޅޭފަދަ ގޮތަކަށް ރައީސް ނަޝީދު ޢަމަލުފުޅު ކުރައްވާފައިވާތީ އެކަމުގެ މައްޗަށް ފިޔަވަޅު އަޅަން ޖެހޭކަމަށް ޑރ މުހައްމަދު އިޔާޒް ވިދާޅުވެއްޖެއެވެ.
ޔޯގާއަކީ ޝިރުކެއްކަން ދަންނަ ބޭކަލުންގެ އިޖުމާޢުއެއް ނެތްކަމަށާއި ވަކި ބައެއްގެ ފަލްސަފާއަކީ އިސްލާމްދީނުގެ ހުކުމެއް ކަމަށް ގަބޫލުކުރަން ދަތިކަމަށް ވިދާޅުވެ ރައީސް ނަޝީދު ޓުވީޓުކުރެއްވުމުން ރައްދުދެއްވާ ޑރ އިޔާޒް ވިދާޅުވީ ދީނީ ކަންކަމުގައި ބަސްބުނުމުގެ ލައިސަންސްނެތި، މީސްތަކުންނަށް ހައްޤާއި ބާތިލް އޮޅޭފަދަ ގޮތަކަށް ރައީށް ނަޝީދު ޢަމަލުކުރައްވާފައިވާތީ އެކަމުގެ މައްޗަށް ފިޔަވަޅު އަޅައިދިނުމަށްއެދި އިސްލާމިކް މިނިސްޓްރީއަށް ގޮވާލާފައިވެއެވެ.
ދީނީ ކަންކަމުގައި ބަސްބުނުމުގެ ލައިސަންސްނެތި، މީސްތަކުންނަށް ޙައްޤާއި ބާޠިލް އޮޅޭފަދަ ގޮތަކަށް @MohamedNasheed ޢަމަލުކުރައްވާފައިވާތީ އެކަމުގެ މައްޗަށް ފިޔަވަޅު އަޅަންޖެހޭ @MVIaffairs https://t.co/o5AMUTTwbh
— Dr.Mohamed Iyaz (@dr_iyaz) July 26, 2022
ރައީސް ނަޝީދުގެ މި ޓުވީޓާއި ގުޅިގެން ދީނީ ޢިލްމުވެރިންގެ އިތުރުން އާއްމުންގެ އެތައްބައެއްގެ ނުރުހުމާއި ފާޑުކިޔުން ދަނީ ރައީސް ނަޝީދަށް އަމާޒުވަމުންނެވެ.
advertisment