އިންޑޮނީޝިއާއިން ދިވެހިންނަށް އޮން އެރައިވަލް ވިސާ ދޭންފަށައިފާވަކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެއެވެ.
އެކަން ހާމަކުރައްވައި ޝާހިދު ކުރެއްވި ޓްވީޓްގައި އިންޑޮނީޝިއާގެ ފޮރިން މިނސްޓަރު ރެޓްނޯ މާސުޑީއަށް ވަނީ ޝުކުރުއަދާކުރައްވާފައެވެ.
Thank my dear friend, the Minister of Foreign Affairs of Indonesia @Menlu_RI for including Maldives once again in the list of countries for Visa on Arrival, effective 27 July 2022, 00:00hrs
— Abdulla Shahid (@abdulla_shahid) July 27, 2022
ބޭރު ގައުމުތަކަށް ދަތުރުކުރާ ދިވެހިން ވަގުތު އޮއްވައި ވިސާއަށް އެދި ހުށައެޅުމަށް މީގެ ކުރިން ފޮރިން މިނިސްޓްރީން ވަނީ އިލްތިމާސްކޮށްފައެވެ. އެހެންކަމުން މި ވަގުތު ރާއްޖެއިން ބޭރަށް ދަތުރުކުރުމަށް ބޭނުންވާ ގައުމުތަކުގެ ވިސާ ހޯދުމުގައި ލިޔެކިޔުންތައް ފުރިހަމަކޮށް ދުރާލާ އެޕޮއިންޓްމަންޓް ހޯދާ ވިސާއަށް އެޕްލައިކުރުމަށް އެ މިނިސްޓްރީން ވަނީ އެދިފައެވެ.
ބޭރުގައުމުތަކަށް ދަތުރުކުރާ ދިވެހިންނަށް ވިސާ ހޯދުމުގައި ލުއިފަސޭހަ ގޮތްތަކެއް ހޯދައިދޭނެ ކަމުގެ ޔަގީންކަން ފޮރިން މިނިސްޓްރީން ވަނީ ދީފައެވެ.
