ރައީސް އަބްދުﷲ ޔާމީން ވަލު ދޮރާށިން ކަންކަން ނުކުރާނެކަމަށާއި ގަޑިޖެހިގެން އަންނަ މިނިސްޓަރުން ބޭރުކުރާނެކަމަށް ވިދާޅުވެ ރައްޔިތުން މަޖިލީހުގެ މާވަށު ދާއިރާގެ މެންބަރު މުހައްމަދު ސައީދު، އެމްއެންޕީގެ ރައީސް އަދި ރައީސް ޔާމީންގެ ޥެރިކަމުގައި ޑިފެންސް މިނިސްޓަރުކަން ކުރެއްވި ކާނަލް މުހައްމަދު ނާޒިމްއަށް ރައްދުދެއްވައިފިއެވެ.
ވަތަނީ ލީޑަރަކީ ތިމަންނާއޭ ރައީސް ޔާމިން ވިދާޅުވާއިރު، ވަތަނީ ލީޑަރަށް ވެރިކަން ދިނީމާ ރައްޔިތުންނާއި ސިޔާސީ ލީޑަރުން ޖަލަށްލާ، ގައުމުގެ ފައިސާ ގެއްލުވާލާ، މުޅި ދުނިޔެއާއި ޖެހިގަންނަ ވަތަނީ ލީޑަރެއް ރާއްޖެއަށް ބޭނުމެއް ނޫން. ގައުމަށް ބޭނުންވަނީ ތާހިރު އުޅުން ހުރި ވަތަނީ ލީޑަރެއް.
— Col(rtd)Mohamed Nazim MP (@nazim7878) July 31, 2022
ކާނަލް ނާޒިމް ކުރެއްވި ޓުވީޓުގައިވަނީ ވަތަނީ ލީޑަރަކީ ރައީސް ޔާމީންކަމަށް ވިދާޅުވާއިރު، ވަތަނީ ލީޑަރަކަށް ވެރިކަން ދިނުމުން ކުރެވުނު ކަމަކީ ރައްޔިތުންނާއި ސިޔާސީ ލީޑަރުން ޖަލައްލާ، ޤައުމުގެ ފައިސާ ގެއްލުވާލުންކަމުގައެވެ. ކާނަލް ނާޒިމް އިތުރަށް ވިދާޅުވީ މުޅި ދުނިޔެއާ ޖެހިގަންނަ ލީޑަރެއް ރާއްޖެއަށް ބޭނުން ނުވާ ކަމަށާއި ޤައުމަށް ބޭނުންވަނީ ޡާހިރު އުޅުމެއް ހުރި ވަތަނީ ލީޑަރެއް ކަމަށެވެ.
ކާނަލް ނާޒިމްގެ ޓުވީޓަށް ރައްދުދެއްވާ ސައީދު ވިދާޅުވީ ރައީސް ޔާމީންއަކީ ވަލުދޮރާށިން ކަންކަން ކުރާނެ ލީޑަރެއް ނޫންކަމަށާއި ޤާނޫން ނަގަހައްޓާ ތަންފީޒުކުރާނެ ޤާނޫނަށް ބޯލަނބާނެ ވެރިއެއް ކަމަށެވެ.
RY valu dhorashēn kankan nukuraane.Q’n nagahattaa thanfeezu kurāne. QA ah boalanbaane.Vaahaka madhuvaane.Gaumu tharaggee kuree thāreekh nudhekey spēdga.Dhivehinge kankamaa behi ulhenvaagoiy kiyaidheyn anna meehun sappu jahaa beyrukurane.Gadi jehey Min beyrukuraane @nazim7878 https://t.co/6rOy6cS21I
— Mohamed Saeed (@em_saeed) July 31, 2022
ސައީދު އިތުރަށް ވިދާޅުވީ ރައީސް ޔާމީންއަކީ ވާހަކަ މަދު ބޭފުޅެއްކަމަށާއި ރައީސް ޔާމީން ޤައުމު ތަރައްޤީ ކުރެއްވީ ރާއްޖޭގެ ތާރީޚުގައި ނުދެކޭފަދަ ސްޕީޑެއްގައި ކަމަށެވެ. އަދި ދިވެހިންގެ ކަންކަމާބެހި ދިވެހިން އުޅެންވާގޮތް ކިޔައިދޭން އަންނަ މީހުން ސައްޕު ޖަހާ ބޭރުކުރާނެކަމަށާއި ގަޑިޖެހިގެން އަންނަ މިނިސްޓަރުންވެސް ރައީސް ޔާމީން ބޭރުކުރާނެކަމަށް ސައީދު ވިދާޅުވިއެވެ.