ރައީސުލްޖުމުހޫރިއްޔާ އިބްރާހިމް މުހައްމަދު ސާލިހަށް، ނައިފަރުގެ ފެނުގެ ނިޒާމުގެ 15 އިންސައްތަ މަސައްކަތްތައް ނިންމަން 4 އަހަރު ނެގުމުން ސަރުކާރުގެ ސްޕީޑު “ސްލޯކަން” އިންގިގެންދާކަމަށް ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.
ނައިފަރުގެ ފެނުގެ ނިޒާމު ނިމިގެންދިއުމަށް އިޝާރާތްކުރައްވާ ޝިޔާމް ވިދާޅުވީ އެ މަޝްރޫޢުއަކީ 2017 ވަނަ އަހަރު ރައީސް ޔާމީންގެ ވެރިކަމުގައި ފަށާފައިވާ މަޝްރޫޢެއްކަމަށެވެ. އަދި ރައީސް ޔާމީންގެ ވެރިކަމުގެ ދައުރު ނިމުމަަކަށް އައި އިރު، އެ މަޝްރޫޢުގެ 85 އިންސައްތަ މަސައްކަތްތައް ނިމިފައިވާކަމަށް އިޝާރާތްކުރައްވާ، ޝިޔާމް ވިދާޅުވީ، ބާކީ ކުރަންޖެހޭ 15 އިންސައްތަ މަސައްކަތްތައް ކުރުމަށް ރައީސް ސާލިހުގެ ސަރުކާރަށް 4 އަހަރު ނެގުމުން ސަރުކާރުގެ ދުވެލި “ސްލޯ” މިންވަރު އިންގިގެންދާކަމަށެވެ.
Mee Raees Yameen ge verikamugai 2017 vana aharu fashaa RY ge dhauru nimunu iru 85% masakkaiy nimifaiva projecteh. 15% nimmalan 4 aharu negeemaa mi sarukaaruge speed ge slowkan eba bunedhey. Project nimumakee Dhaairaa ah ufaaveri khabareh. Shukuriya Raees Yameen. https://t.co/kMy2KIYByl
— Ahmed Shiyam (@Shiyamaldives) August 4, 2022
2017 ވަނަ އަހަރު ރައީސް ޔާމީންގެ ވެރިކަމުގައި ފަށައި، 85 އިންސައްތަ މަސައްކަތްތައް ނިންމާފައިވާ ނައިފަރުގެ ފެނުގެ ނިޒާމުގެ ބާކީ 15 އިންސައްތަ ނިންމުމަށް ރައީސް ސާލިހުގެ ސަރުކާރަށް 4 އަހަރު ވެގެންދިއުމުން ސަރުކާރުގެ ހިންގުންތެރިކަން ހުރި މިންގަނޑުތައް ފެނިގެންދާކަމަށް ފާހަގަކުރައްވާ ޝިޔާމް ވިދާޅުވީ، އެހެން ނަމަވެސް އެ މަޝްރޫޢު ނިމިފައިވުމަކީ، ނައިފަރު ދާއިރާއަށް ލިބިގެންދާ އުފާވެރި ހަބަރެއްކަމަށެވެ.
މީގެ އިތުރުން ޝިޔާމްވަނީ ނައިފަރު ދާއިރާގެ ފެނުގެ ނިޒާމުގެ މަޝްރޫޢު ނިމިފައިވުމަށް ރައީސް ޔާމީނަށް ޝުކުރު ދަންނަވާފައެވެ.