ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ކޯލިޝަން ސަރުކާރުގެ އިސް ވެރިންނަކީ، ގައުމަށާއި، އިސްލާމް ދީނަށް “ހަރާމްކޯރުވެ” “ޣައްދާރު” ވެފައިވާ ބައެއްކަމަށް މާލެ ސިޓީ ކައުންސިލުގެ ޑެޕިއުޓީ މޭޔަރު އަހުމަދު ނަރީޝް ވިދާޅުވެއްޖެއެވެ.
ރައީސް ސާލިހުގެ ވެރިކަމުގެ ދައުރުގައި، ދިވެހިރާއްޖޭގައި އިސްލާމް ދީނާއި ހިލާފު އަމަލުތައް ގިނަވެފައިވާކަމަށް ހާމަވެ، ގިނަ އަދަދެއް މީހުން އެފަދަ އަމަލުތަކެއް ހިންގަނިކޮށް، ފެނިގެންދާ ވީޑިއޯތަކެއް އާންމުވެފައިވާ ދަނޑިވަޅެއްގައި ނަރީޝް ވިދާޅުވީ، ރައީސް ސާލިހުގެ ވެރިކަމުގައި، ފާހިޝް އަމަލުތަކާއި، ހަރާމް ކަންކަމަށް ފުޅާ ދާއިރާއެއްގައި ޖާގަދެވިފައިވާކަމަށެވެ. އަދި ރައީސް ސާލިހުގެ ވެރިކަމަށްވުރެ ފުޅާކޮށް، އެފަދަ ޖާގައެއް ދީފައިވާ ވެރިކަމެއް ދިވެހި ރައްޔިތުންނަށް ފެނިފައިނުވާނެކަމަށްވެސް އެނާ ފާހަގަކުރެއްވިއެވެ.
ރައީސް ސާލިހުގެ ވެރިކަމުގައި، ހަރާމް ހަލާލް ބެލުމެއް ނެތި، ފުޅާ ދާއިރާއެއްގައި، ފާހިޝް އަމަލުތަކަށް ޖާގަ ދެވިފައިވާކަމަށް ފާހަގަކުރައްވާ ނަރީޝް ވިދާޅުވީ ރައީސް ސާލިހުގެ ކޯލިޝަންގެ އިސްވެރިންނަކީ ގައުމާއި، އިސްލާމް ދީނަށް ޣައްދާރުވެފައިވާ ލީޑަރުންތަކެއް ކަމަށެވެ. އަދި ދީނީ އިލްމުވެރިންވެސް ރައީސް ސާލިހުގެ ކޯލިޝަނަށް ތާއީދު ކުރައްވާކަން ފާހަގަކުރައްވާ ނަރީޝް ވިދާޅުވީ، ދީނާއް ޣައްދާރުވެފައިވާ ލީޑަރުންތަކަކަށް ހިއްވަރު ދޭ “މާއްދިއްޔަތައް ހުސްވެފައި ތިބި ޙާއިނުންގެ” ވެރިކަމެއްވެސް ދިވެހި ރައްޔިތުން ދެކިފައިނުވާނެކަމަށެވެ.
ޕާހިޝް އަމަލްތަކާއި ހަރާމެއް ހަލާލެއް ނުބަލާ ކަންކަމަށް ފުޅާ ދާއިރާގައި ޖާގަ ދެވުނު ވެރިކަމެއް ނުދެކޭ! ގައުމަށާއި ދީނަށް ހަރާމްކޯރުވި ޣައްދާރު ލީޑަރުންގެ ކޯލިޝަނަކާއި އެ ކޯލިޝަނަށް ހިތްވަރުދޭން ތިބި @dr_iyaz މެން ކަހަލަ މާއްދިއްޔަތަށް ހުސްވެފައި ތިބި ޙާއިނުންގެ ވެރިކަމެއް ނެދެކޭ!
— Ahmed Narysh (@ahmed_narysh) August 4, 2022
މިހިގާ ވެރިކަމަށްވުރެން ވަކިން ބޮޑަށް ދިވެހިރާއްޖޭގައި ދީނަށް ފުރައްސާރަކޮށް އަޅަމެންގެ މާތް ނަބިއްޔާއަށް ކުޑައީމީސްކޮށް ބަސްތައް ރައްދުކުރި ވެރިކަމެއް ދިވެހިން ނުދެކޭ! ދިވެހީން ނިކަމެތިކޮށް ދެވަނަ ދަރޖައިގެ ރައްޔިތުންނަށްވެ، އިގްތިސާދީގޮތުން އަޅުވެތިކުރުވި ވެރިކަމެއް ނުދެކޭ! https://t.co/iIrrznZFEi
— Ahmed Narysh (@ahmed_narysh) August 4, 2022
ރައީސް ސާލިހުގެ ވެރިކަމަށް “މާއްދިއްޔަތައް ހުސްވެފައިތިބި ޙާއިނުން” ތަކެއް ތާއީދު ކުރާކަމަށް ފާހަގަކުރައްވާ ނަރީޝް ވިދާޅުވީ، ރައީސް ސާލިހުގެ ވެރިުކަމަށް ވުރެ ވަކިން ބޮޑަށް، ދީނަށް ފުރައްސާރަކޮށް، ނައްބިޔާއަށް ކުޑައިމީސްކޮށް ބަސްތަކެއް ރައްދުކޮށްފައިވާ ވެރިކަމެއް ދިވެހި ރައްޔިތުނަށް ފެނިފައިނުވާނެކަމަށެވެ. އަދި އަމިއްލަ ގައުމުގައި ދިވެހި ނިކަމެތިކޮށް، ދެވެނަ ދަރަޖައިގެ ރައްޔިތުންނަށް ހަދައި، ގައުމު އިޖްތިސާދީ ގޮތުން އަޅުވެތި ކުރުވި ވެރިކަމެއްވެސް ރައީސް ސާލިހުގެ ވެރިކަން ނޫނީ ނުދެކޭކަމަށްވެސް ނަރީޝް ފާހަގަކުރެއްވިއެވެ.
advertisment