މަރުގެ ޙުކުމް ތަންފީޒު ނުކުރާނެ ވާހަކަ ސަރުކާރުން ދެއްކުމަކީ ދެވޭ ގޯސް މެސެޖެއްކަމަށާއި އެއްވެސް ހާލެއްގައި ދޫކުރަން ހެޔޮނުވާވަރުގެ ނުރައްކާތެރި މުޖުރިމުން އެބަތިބިކަން ޤަބޫލުކުރަން ޖެހޭކަމަށް ކުރީގެ ނައިބު ރައީސް ޑރ މުޙައްމަދު ޖަމީލް އަޙްމަދު ވިދާޅުވެއްޖެ އެވެ.
ރޭގެ ވަގުތެއްގައި ހެންވޭރު ޝެރީން ވިލާގައި 22 އަހަރުގެ އަންހެނަކަށް ހަމަލާދީ މަރާލި މައްސަލައާއި ގުޅިގެން ކަންބޮޑުވުން ފާޅުކޮށް ކުރި ޓުވީތުގައި ޑރ ޖަމީލް ވިދާޅުވެފައިވަނީ، އަޑު އިވިގެން ދިޔައީ އިންތިހާއަށް ބިރުވެރި ކުށެއްގެ ވާހަކަ ކަމަށެވެ.
އަޑުއިވިގެން މިދިޔައީ އިންތިހާއަށް ބިރުވެރި ކުށެއް. ދެންވެސް މަރުގެ ހުކުމް ތަންފީޒްނުކުރާނެ ވާހަކަ ސަރުކާރުން ދެއްކުމަކީ ގޯސް މެސެޖެއް.އެއްވެސް ޙާލެއްގައި ދޫކުރަން ހެޔޮނުވާވަރުގެ ނުރައްކާތެރި މުޖްރިމުން އެބަތިބިކަން ޤަބޫލްކުރަންޖެހޭ. ޙައްލު އޮތީ މަރުގެ ޙުކުމް ތަންފީޒްކޮށްގެން. https://t.co/kxe68pJCT8
— Mohamed Jameel Ahmed (@MJameelAhmed) August 7, 2022
އަދި ދެންވެސް މަރުގެ ޙުކުމް ތަންފީޒު ނުކުރާނެ ވާހަކަ ސަރުކާރުން ދެއްކުމަކީ ދެވޭ ގޯސް މެސެޖެއް ކަމަށާއި، އެއްވެސް ހާލެއްގައި ދޫކޮށްލަން ހެޔޮނުވާވަރުގެ ނުރައްކާތެރި މުޖުރިމުން އެބް ތިބި ކަމަށް ޤަބޫލުކުރަން ޖެހޭ ކަމަށްވެސް ޖަމީލްގެ ޓުވީޓުގައި ވެއެވެ. އަދި މި ކަމުގައި ހައްލު އޮތީ މަރުގެ ޙުކުމް ތަންފީޒުކޮށްގެން ކަމަށް ޖަމީލްގެ ޓުވީޓުގައި ވަނީ ވިދާޅުވެފައެވެ.
ހ.ޝެރީންވިލާގައި އަނިޔާވެރިގޮތަކަށް ޒުވާން އަންހެނަކަށް ހަމަލާދީ މަރާލާފައިވާ މައްސަލާގައި ހައްޔަރުކޮށްފައިވަނީ ރާއްޖޭގެ އެއްމެ މޮޅު ސްކޭޓާ އުމުރުން 22 އަހަރުގެ އަލީ ސާހިލްއެވެ.
