ސަރުކާރު ގިރިއަށް އަރައި ދިޔަވަމުންދާއިރު, އަދާލަތު ޕާޓީ އޮތީ ފޫނެތްފަޔަށް ފެންފުރުމުގައި: ހިސްޓޯ

ސަރުކާރުގެ ހުރިހާ މުއައްސަސާތަކެއް ގިރިއަށް އަރައި ފަށަން ފޫގޮސް ދިޔަވަމުންދާއިރު، އަދާލަތު ޕާޓީގެ މުރަނގަ ގަސްދޮށު މާލިމީންތައް ތިބީ ހޭބޯނާރާ ފޫނެތްފަޔަށް ފެންފުރަންކަމަށް ރައްޔިތުންގެ މަޖިލީހުގެ ކުރީގެ މެންބަރު ޝިފާޤް މުފީދު (ހިސްޓޯ) ވިދާޅުވެއްޖެއެވެ.

ޝިފާޤް މުފީދު މިހެން ވިދާޅުވީ މިއަދުގެ ވަގުތެއްގައި އަދާލަތު ޕާޓީގެ ރައީސް، ހޯމް މިނިސްޓާ އިމްރާން އަބްދުﷲ ކުރެއްވި ޓުވީޓަކާއި ގުޅިގެންނެވެ.

އިމްރާންގެ ޓުވީޓުގައި ވަނީ ގައުމުގެ ހާލަތު ރަނގަޅުވާނީވެސް ނުވަތަ ނުބައި ވާނީވެސް އެބަޔަކު އަމިއްލައަށް ހާލަތު ބަދަލުކުރަމުންކަމަށް ވިދާޅުވެފައެވެ. އަދި ރާއްޖޭގައި ރަނގަޅު ނުވަތަ އިސްލާހު ކުރަން ހުރި ކަންކަން ވަރަށް ގިނަކަމަށް ވިދާޅުވެފައެވެ. ނަމަވެސް ހަގީގަތުގައި އެކަންތައްތައް އިސްލާހު ކުރަން މަސައްކަތް ކުރަނީ ކޮންބަޔަކުތޯ އިމްރާން ވަނީ ސުވާލުކުރައްވާފައެވެ.

Qaumehge haalath rangalhuvaaneeves,nuvatha nubaivaaneeves ebayaku amilla ah haalath badhalukurumunneve.Raajjeygai rangalhu nuvatha ISLAAHU kuran huri kan kan vv ginaeve.Namaves haqeegathugaives ISLAAHU kuran masahkaiy kuranee kithah meehun heyyeve?

— Imran Abdulla (@ShimranAb) August 9, 2022

އިމްރާން މިފަދައިން ވިދާޅުވުމާއި ގުޅިގެން ޝިފާގު މުފީދު ކުރެއްވި ޓުވީޓުގައި ވަނީ އަލަމްގިރި ނަމަކަށް ކިޔާ ބިދޭސީއަކާއިއެކު ސަރުކާރު މުއައްސަސާތަކުގެ ގިނަ ބަޔަކު އެއްޖިންސުން ގުޅުން ހިންގި ވާހަކައަށް އިޝާރާތްކޮށް، އަދާލަތު ޕާޓީން ތިބީ ފަށަން ފޫގޮސް ދިޔަވަމުންދާއިރުވެސް ހޭބޯނާރާ ބަސްނުވިކޭ އޮޑީގެ ދިރުނބާކޮޅުގައި ފޫނެތްފަޔަށް ފެންފުރުމަށްކަމަށް ވިދާޅުވެފައެވެ. ޓުވީޓުގައި އަދާލަތު ޕާޓީގެ މެންބަރުންނަށް ޝިފާގު މުހާތަބުކުރައްވާފައިވަނީ މުރަނގަ ގަސްދޮށު މާލިމީންތަކެއްކަމުގައި ވިދާޅުވެއެވެ.

ސަރުކާރުގެ ހުރިހާ މުއައްސަސާތަކެއް ގިރިއަށް އަރައި ފަށަން ފޫގޮސް ދިޔަވަމުންދާއިރު @AdhaalathOffice ގެ މުރަނގަ ގަސްދޮށު މާލިމީންތައް ބަސްނުވިކޭ އޮޑީގެ ދިރުނބާކޮޅުގައި ފޫނެތްފަޔަށް ފެންފުރުމުގައި ހޭބޯނާރާ!
މާމުޑުދާރުންގެ ދިފާޢުގައި ދަހަނާ އަޅައިގެން! https://t.co/0p7kLyYSOk

— Histo (@ShifaqMufyd) August 9, 2022

ދިވެހިރާއްޖޭގައި އެއްޖިންސުން ގުޅުން ހިންގުމާއި ދީނަށް ފުށޫއަރާ ކަންތައްތައް އާންމުވެފައިވާއިރު، އެފަދަ ފަރާތްތަކާއިމެދު ގާނޫނުގެ ދަށުން އެކަށީގެންވާ ފިޔަވަޅު ނޭޅުމުގެ ސަބަބުން އެންމެ ބޮޑު ފާޑުކިޔުމެއް އަމާޒުވެފައިވަނީވެސް އިމްރާން އަބްދުﷲ އަށެވެ. އެގޮތުން މިފަދަ ކަންކަން އާންމުވެ ފަޝަނަކަށް ބަދަލުވެގެންދިޔައީ ކަމާއި ބެހޭ ވަޒީރަކަށް އިމްރާން ހުންނަވަނިކޮށްކަމަށް ގިނަ ބަޔަކު އައީ ފާހަގަކުރަމުންނެވެ. އިމްރާނަކީ ފުލުހުންގެ މުއައްސަސާ އަދި ގާނޫނު ތަންފީޒު ކުރުމުގެ ޒިންމާ އޮތް ގިނަ މުއައްސަސާތަކެއްގެ ބަލަދުވެރި ވަޒީރެވެ.