ޕީއެންސީގެ ސެކްރެޓަރީ ޖެނަރަލް ޝިފާގު މުފީދު އެ ޕާޓީން އިސްތިއުފާދެއްވައިފި އެވެ.
ކުރީގެ ރައީސް އަބްދުﷲ ޔާމީން އަބްދުލް ގައްޔޫމާއި ރައީސް ޑރ މުހައްމަދު މުއިއްޒު ދެމެދު އުފެދުނު ހިޔާލު ތަފާތުވުންތަކެއްގެ ސަބަބަން އެމަނިކުފާނު ޕީޕީއެމް ދޫކުރައްވައި ޕީޕަލްސް ނެޝަނަލް ފްރަންޓުގެ ނަމުގައި ޕާޓީއެއް އުފައްދަވާފައިވާއިރު ޝިފާއު ވަނީ ސޯޝަލްމީޑިއާގައި އޭނާގެ އިސްތިއުފާގެ ސިޓީ ޝާއިއުކުރައްވާފައެވެ.
ޝިފާއުގެ ސިޓީ ފޮނުއްވީ ޕީއެންސީގެ ރައީސް، ރައީސް ޑރ. މުހައްމަދު މުއިއްޒުއަށެވެ. އޭނާ ވިދާޅުވީ އޭނާ އާއި އެމަނިކުފާނުވެސް ހިމެނިވަޑައިގަންނަވާ ޕާޓީ ހިނގަމުންދަނީ ހައްދުންމަތިން އަންނަ މީހަކު ޕާޓީ އޮފީސް ތެރެއިން އަޑަފި ހިއްދަވައިގެން ނުކުންނަވައި ޕާޓީ މެމްބަރުންގެ މޫނަށް ހައްޕުނޑު ބުރުވާ އުސޫލުންކަމަަށެވެ.
އެހެންނަމަވެސް އެފަދަ ހާލަތެއްގައި މެމްބަރުންގެ މޫނުމަތި މާލީސްކޮށްގެންވެސް މެމްބަރުންގެ މާޔޫސްކަން ފިލުވައި ދިވެހިންގެ ރާއްޖެ ދިވެހިން އެދޭ މަގަށް ރައީސް މުއިއްޒު އާއި ޕީއެންސީއަށް ގެންދެވޭނެ ކަމަށް ގަބޫލުނުކުރެވޭކަމަށް ވިދާޅުވިއެވެ. އެހެންކަމުން އޭނާ ޕީއެންސީގެ ސެކްރެޓަރީ ޖެނަރަލްގެ މަގާމުންނާއި ޕާޓީގެ މެމްބަރުން އިސްތިއުފާ ދެއްވާކަމަށް ވިދާޅުވިއެވެ.
advertisment