ކޮމަންވެލްތު ޖަމިއްޔާއަކީ، ބެންކެއް ނެތް ޖަމާއަތެއް ކަމަށްވުމުން އެއްވެސް ގައުމަކަށް އެހީތެރިކަމެއް ފޯރުވެން ނޯންނާނެކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރުވާންޑާގައި ކުރިއަށް ގެންދާ “ކިގާލީ ޑަޔަލޮގް 2022” ގައި ވާހަކަދައްކަވަމުން ރައީސް ނަޝީދު ވިދާޅުވީ، ކޮމަންވެލްތު ޖަމާއަތަށް ރަނގަޅު ގޮތަކަށް ކުރެވޭ މަސައްކަތެއް ގޮތަށް އެ މަނިކުފާނަށް ފާހަގަކުރެވެނީ، ސަގާފީ ހަރަކާތްތައް ކުރިއަށް ގެންދިއުމާއި، މަޝްވަރާ ކުރުން ފަދަ މަސައްކަތްތައް ކަމަށެވެ. އަދި އެ ޖަމާއަތަކީ އެއްވެސް ގައުމަކަށް އެހީ ފޯރުވުމުގެ ގާބިލުކަމެއް ލިބިގެންވާ ޖަމާއަތެއް ނޫންކަމަށްވެސް ރައީސް ނަޝީދު ވިދާޅުވިއެވެ.
މީގެ އިތުރުން ރައީސް ނަޝީދުވަނީ އެ ޖަމާއަތައް އެހީ ދެވެން ނެތް ސަބަބަކީ، ބޭންކެއް ނެތުންކަމަށް ފާހަގަކުރައްވާފައެވެ.
ރައީސް ނަޝީދުވަނީ މީގެ ކުރިންވެސް ކޮމަންވެލްތު ޖަމިއްޔާއަށް ބަހުގެ ހަމަލާތަކެއް އަމާޒު ކުރައްވާފައެވެ. އެގޮތުން ރައިސް ނަޝީދު ވިދާޅުވެފައިވާގޮތުން، އެ ޖަމިއްޔާއަކީ، ހުދުމުހުތާރު ވެރިން ބާރުވެރި ކުރުވަމުން އަންނަ ޖަމާއަތެކެވެ. އަދި އެ ޖަމިއްޔާއިން އެފަދަ އަމަލުތައް ހިންގުން ހުއްޓަން ޖެހިފައިވާކަމަށްވެސް ރައީސް ނަޝީދުވަނީ މީގެ އަހަރުތަކެއް ކުރިން ފާހަގަކުރައްވާފައިކަމަށް ބައެއް މީޑިއާތަކުން ރިޕޯޓު ކުރެއެވެ.
One Response
ފައިސާއަކީ ހުރިހާއެއްޗެއްނޫނެވެ.