ސަތާރަ އަހަރުން އެމްޑީޕީއަށް ލިބިފައިވާ އެންމެ ބޮޑު ކާމިޔާބީއަކީ، އެހެން ދިވެހިންގެ ބަދު ނަސީބުކަމަށް ކުރީގެ ކޮމިއުނިކޭޝަންސް މިނިސްޓަރު މުހައްމަދު މަލީހު ޖަމާލު ވިދާޅުވެއްޖެއެވެ.
ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ސަރުކާރުގެ ދިވެހި މުޖުތަމައުގެ ހާލަތު އިންތިހާއަށް ގޯސްވެފައިވާކަމަށް އިޝާރާތް ކުރައްވާ މަލީހު ވިދާޅުވީ، މިހާރު ދިވެހިރާއްޖޭގައި މަސްތުވާތަކެތީގެ ޝިކާރައަކަށްވެފައިވާ ކުއްޖަކުނެތް ގޭބިސީއެެއް ނެތްކަމަށެވެ. އަދި ވަންނާނެ ގެދޮރުނެތި، މަގުމަތީގައި ނިދާ ކުދިންވެސް މަދު ނޫންކަމަށާއި، ދިވެހި މުޖުތަމައުގެ ތެރޭގައި އިސްލާމް ދީނުގައި ހަރާމް ކުރެވިފައިވާ ކަންކަން ކުރުން އާންމުވެފައިވާކަމަށްވެސް މަލީހު ފާހަގަކުރެއްވިއެވެ.
އިޖްތިމާޢީ ގޮތުން ރާއްޖެ ބަނގުރޫޓްކޮށްފި. 17 އަހަރުން އެމްޑީޕީއަށް ލިބުނު އެންމެ ބޮޑު ކާމިޔާބީ އެހެނަސް ދިވެހިންގެ ބަދު ނަސީބު. މަސްތުވާތަކެތީގެ ޝިކާރައަކަށް ނުވާ ކުއްޖަކު ނެތް ގޭބިސީއެއް ނެތް. މަގުމަތީ ނިދާ ކުދީން މަދެއް ނޫން. ދީނުގައި ހަރާމްކުރެއްވި ކަންކަން އާންމު ވެއްޖެ.
— Mohamed Maleeh Jamal (@maleehjamal) August 14, 2022
ހުރިހާ ބާރެއް އެމްޑީޕީއަށް ލިބުނުތާ 4އަހަރުވަނީ.ޕާޓީ މެމްބަރުންނަށް ވިހުރިހާ ވަޢުދާ ކެންޑި ހުރިހާ ފޮނިބައިސާގަ ކުލަޖެއްސުނީ ކިހާ ވަރަކަށް ތޯ? ދިރިއުޅުން ތާހިރުވެއްޖެ ތޯ? ޖަޒީރާ ރާއްޖެއަށް ކޮބާ? މައުމޫނިޒަމް ނިމިއްޖެ ތޯ? މަސްތުވާ ދޮރު ބަންދުވެއްޖެ ތޯ? ކަރަންޓު އަގު ހެޔޮވެއްޖެ ތޯ?
— Mohamed Maleeh Jamal (@maleehjamal) August 14, 2022
ރައީސް ސާލިހަށް ފާޑުކިޔުން އަމާޒު ކުރައްވާ، މަލީހު ވިދާޅުވީ، އެމްޑީޕީއަށް ދިވެހިރާއްޖޭގެ ވެރިކަން ކުރުމުގެ ނިޒާމުގެ ހުރިހާ ބާރުތަކެއް ލިބިފައިވާތާ ހަތަރު އަހަރު ވެދަނީކަމަށެވެ. އަދި އެމްޑީޕީއަށް އެ ޕާޓީގެ އާންމު މެމްބަރުންނަށް ވެވިފައިވާ ވައުދުތައް ފުއްދިފައި ވަނީ ކިހާވަރަކަށް ތޯ ސުވާލު ކުރައްވައި އެނާ ވަނީ އެ ވާހަކަތަކަކީ، ފޮނި އަންގަތަކެއް ގޮތަށް ސިފަ ކުރައްވާފަ އެވެ.
އެމްޑީޕީގެ ވެރިކަމުގެ ދިވެހި ރައްޔިތުންގެ ދިރިއުޅުމުގެ ފެންވަރު ވެސް ރަނގަޅުވެފައި ނުވާކަމަށް ފާހަގަކުރައްވާ މަލީހު ވަނީ، ޖަޒީރާ ރާއްޖެއަކީ ކޮބައިތޯ ސުވާލުކުރައްވާފައެވެ. އަދި އެމްޑީޕީއަށް ރައީސް މައުމޫނުގެ ނުފޫޒު ކަނޑުވާލެވިފައިވޭތޯ ވެސް އެނާ ސުވާލު ކުރެއްވިއެވެ.
މީގެ އިތުރުން އެނާ ވަނީ މަސްތުވާތަކެތީގެ ދޮރުތައް ބަނދު ނުކުރެވޭ ކަމަށްވެސް އިޝާރާތްކުރައްވާފައެވެ. އަދި ކަރަނޓުގެ އަގުތައް ހެޔޮވެފައިނުވާކަމަށްވެސް އެނާ ފާހަގަކުރެއްވިއެވެ.
advertisment