ރައީސް ޑރ މުހައްމަދު މުއިއްޒުގެ ހާއްސަ އެޑްވައިޒަރު ޕީއެންސީގެ ޗެއަރޕާސަން އަބްދުއްރަހީމް އަބްދުﷲގެ ސަބަބުން ދިވެހިރާއްޖެއަށް ބޮޑެތި ގެއްލުންތައް ލިބެމުންދާކަމަށް ކުރީގެ ކޮމިއުނިކޭޝަންސް މިނިސްޓަރު މުހައްމަދު މަލީހު ޖަމާލު ވިދާޅުވެއްޖެއެވެ.
ކުރީގެ ރައީސް އަބްދުﷲ ޔާމީން އަބްދުލް ގައްޔޫމުގެ އިރުޝާދުގެ ދަށުން ހަދާފައިވާ ޕީއެންއެފްގައި އިސްކޮށް ހަރަކާތްތެރިވާކަމަށް ފެނިގެންދާ މަލީހުވަނީ އޭނާގެ އެކްސް އެކައުންޓު މެދުވެރިކޮށް އަބްދުއްރަހީމަށް ފާޑުވިދާޅުވެފައެވެ.
އެގޮތުން ރާއްޖޭގައި ޑައިވްކުރުމަށް ހުއްދަ އޮންނަނީ ތިރީސް މީޓަރަށްކަމަށްވާއިރު އަބްދުއްރަހީމްގެ ސަރުކާރުން ސަރުކާރު ބޮކިޖަހާފަ ފެތެމުންދާކަމަށް ވިދާޅުވިއެވެ. މަލީހު ވިދާޅުވީ، 30 މީޓަރަށް ވުރެ އަޑިއަށް ފީނުމަށް ހުއްދަ ދީފައި ނުވަނީ އެ ހިސާބަށްވުރެ އަޑިއަށް ދިއުމުން ސަލާމަތްނުކުރެވޭ ކަމަށްވުމުންކަމަށެވެ.
އޭނާ ވިދާޅުޥީ، ރާއްޖެއަކީ އަބްދުއްރަހީމް މޮޑުމަށް ގެންގުޅުއްވާ ފުށްގަނޑަކަށް ހައްދަވާފައިވާޚަމަށާއި، އެހެންކަމުން އިތުރަށް ކަންކަން ގޯސްވިޔަ ނުދިނުމަށްޓަކައި ވަގުތުން ވަގުތަށް އަބްދުއްރަހީމް އެހެލަން ޖެހޭކަމަށް ވިދާޅުވިއެވެ.
advertisment