ކުށްތަކުގެ ހުކުމް ތަންފީޒު ކުރާ މީހުންނަށް ބޭނުންވަނީ ލޯބި: އިމްރާން

ކުށްތަކުގައި ހުކުމް ތަންފީޒު ކުރަމުންދާ ފަރާތްތަކަށް ބޭނުންވަނީ ލޮތްބާއި އެހީތެރިކަންކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.

މޯލްޑިވްސް ކަރެކްޝަނަލް ސާވިސްއަށް 51 އަހަރު ފުރުމުގެ މުނާސަބަތުގެ ވާހަކަދައްކަވަމުން އިމްރާންވަނީ، އެ މުއައްސަސާގެ ހުރިހާ އޮފިސަރުންނާއި، މުއައްޒަފުންނާއި އެ ފަރާތްތަކުގެ އާއިލާއަށް ތަހުނިޔާ ދަންނަވާފައެވެ.

އިމްރާން ވިދާޅުވީ، ހުކުމް ތަންފީޒު ކުރާ ފަރާތްތަކަށް ބޭނުންވަނީ، އެކި ކަންކަމުގެ އިލްމާއި، ތަޖުރިބާތައް ކަމަށެވެ. އަދި ފަރުވާ އާއި ލޯބިވެސް ދޭންޖެހޭކަމަށް އެނާ ފާހަގަކުރެއްވިއެވެ.

ހުކުމް ތަންފީޒުކުރަމުންދާ ފަރާތްތަކަށް ބޭނުންވަނީ ޢިލްމާއި، ތަޖުރިބާއާއި، ފަރުވާއާއި، ލޯތްބާއި އެހީތެރިކަން. އެމަސައްކަތް އެންމެ ގާތުން ކޮށްދެއްވަމުން ގެންދަވާ ކަރެކްޝަންސް އޮފިސަރުންނާއި، އެހެން މުވައްޒަފުންނަށް 51 ވަނަ އަހަރީ ދުވަހުގެ ތަހުނިޔާ ދަންނަވަން. https://t.co/XyKaty5HEP

— Imran Abdulla (@ShimranAb) August 14, 2022

މީގެ އިތުރުން އިމްރާން ވިދާޅުވީ، ޖަލުގައި ހައްޔަރު ކުރެވިފައިވާ ފަރާތްތަކަށް އަޅާލުމުގެ، މަސައްކަތްތައް އެންމެ ގާތުން ކޮށްދެއްވަމުންދަނީ ކަރެކްޝަންސްގެ އޮފިސަރުންނާއި، އެހެނިހެން މުއައްޒިފުންކަމަށެވެ.