ޖުމުހޫރީ ޕާޓީގެ ތަރުޖަމާނު، އަލީ ސާލިހުގެ ފުރާނައަށް އަމާޒުކުރި ހަމާލާއާއި ގުޅިގެން، މަޖިލީހުގެ ރައީސް މުހައްމަދު ނަޝީދު ކަންބޮޑުވުން ފާޅުކުރައްވައިފިއެވެ.
ހުޅުމާލޭގައި އަލީ ސާލިހުގެ ކަރަށް ތޫނު އެއްޗަކުން ހަމަލާދިނުމަށް މަސައްކަތްކޮށް، ފުން ޒަހަމުތަކަކާއިއެކު، އެނާ ސަލާމަތްވެފައިވާއިރު، އެކަމާއި ކަންބޮޑުވުން ފާޅުކުރައްވާ ރައީސް ނަޝީދު ވިދާޅުވީ، އަލީ ސާލިހަށް ދެވިފައިވާ ނުރައްކާތެރި ހަމަލާ އެ މަނިކުފާނު އިންތިހާއަށް ކުށްވެރި ކުރައްވާކަމަށެވެ.
ރައީސް ނަޝީދު ވިދާޅުވީ، ދިވެހިރާއްޖޭގައި “ހަރުކަށި” ފިކުރުގެ އަމަލުތައް ހިންގަމުންދަނީ، އިންތިޒާމުވެގެން ކަމަށެވެ. އަދި އެފަދަ އަމަލުތައް ހިންގާ މީހުން ހުއްޓުވުމަށް ދިވެހި ފުލުހުންގެ މުއައްސަސާ އަދި ސަރުކާރުން ކުރަމުންދާ މަސައްކަތްތައް މިހާރު އޮތްވަރަށްވުރެ، ވަރުގަދަކޮށް، ހަރުދަނާކުރެވި، އިތުބާރު ހިފޭ މަސައްކަތްތަކަކަށް ހަދަންޖެހިފައިވާކަމަށެވެ.
Jumhooree Party ge tharujamaanu Ali Solih ah miadhu dhin nurakkaatheri hamala inthihaa ah kuvveri kuran. Raajjeyga inthizaam vegen hinga harukashi fikuruge amaluthah huttuvumah kuraa masakkaiy maabodah harudhanaave ithubaaru hifenjehey
— Mohamed Nasheed (@MohamedNasheed) August 22, 2022
މިނިސްޓްރީ އޮފް އެންވަރޮމެންޓް، ކްލައިމެޓް ޗޭންޗް އެންޑް ޓެކޮނޮލޮޖީގެ ސްޓޭޓް މިނިސްޓާ، ޖުމްހޫރީ ޕާޓީގެ ތަރުޖަމާނު އަލީ ސާލިހަށް ތޫނު އެއްޗަކުން ހަމަލާދީފައިވަނީ، އެނާ ހުޅުމާލޭގައި ހުއްޓާ، މެންދުރުގެ ވަގުތެއްގައިއެވެ. ބައެއް މީޑިއާތަކުން ރިޕޯޓު ކުރާގޮތުން، އަލީ ސާލިހަށް ހަމަލާދިނުމަށް މަސައްކަތްކޮށްފައިވަނީ، ކަޓަރެއްގެ ބޭނުންކޮށްގެނެވެ. ފުލުހުންގެ މުއައްސަސާއިން ބުނާގޮތުން، އެ މައްސަލައާއި ގުޅިގެން ހަމަލާދިން މީހާ ވަނީ ހައްޔަރު ކުރެވިފައެވެ.
advertisment