ހދ ނޮޅިވަރަންފަރަށް ދިރާގުގެ ހައި ސްޕީޑު ފައިބަރު ބްރޯޑުބޭންޑާއި، ދިރާގު ޓީވީގެ ހިދުމަތްތައް ދޭންފަށައިފިއެވެ.
ޕްރޮމޯޝަނެއްގެ ސިފައިގައި ނޮޅިވަރަންފަރުގެ ރައްޔިތުންނަށް ހާއްސަކޮށްގެން ދިރާގުން ހިންގާ މި މަޝްރޫއުގެ ސަބަބުން، އެ ރަށުގެ ރައްޔިތުންނަށް ދިރާގުން ދެމުން އަންނަ ހިދުމަތްތަކަށް އިތުރު ފުރިހަމަކަމެއް ގެނެސްދެވިފައިވެއެވެ.
ދިރާގުން ނޮޅިވަރަންފަރަށް ތައާރަފު ކުރި ހިދުމަތްތަކުގެ ތެރޭގައި އެކި ރޭންޖުގެ ހޯމް ފައިބަރ ބްރޯޑު ބޭންޑު ޕެކެޖުތަކާއި، ދިރާގު ޓީވީގެ ހިދުމަތްތައް ހިމެނެއެވެ. ނޮޅިވަރަނފަރުގެ ރައްޔިތުންނަށް ހާއްސަކޮށްގެން ހިންގާ މި ޕްރޮމޯޝަންގެ ދަށުން، ހޯމް ފައިބަރ ބްރޯޑް ބޭންޑު ހިދުމަތް ލިބިގަންނަ ކޮންމެ ކަސްޓަމަރަކަށް ހިލޭ ކަނެކްޝަނެކާއި އެކު ރައުޓަރެއް ދިނުމަށް ދިރާގުންވަނީ ނިންމާފައެވެ. އަދި ދިރާގު ޓީވީގެ ހިދުމަތް ހޯދާ ކަސްޓަމަރުންނަށް ހިލޭ ކަނެކްޝަނަކާއިއެކު، ޖޮއި ބޮކްސްވެސް ހިލޭ ދިނުމަށް ދިރާގުންވަނީ ނިންމާފައެވެ.
މިހާރު ދިރާގުންވަނީ، އެ ކުންފުނީގެ ހައި ސްޕީޑް އިންޓަރނެޓުގެ ހިދުމަތް، ރާއްޖޭގެ 93 ރަށެއްގައި ގާއިމުކޮށްފައެވެ.
advertisment