ރައްޔިތުން ނުކުމެ ”ލާދީނީ ބައިގަނޑު“ ތަޅާ ”ރޯނާ“ ގަންނަވާލަންވީ: މޮސްޓާ

ދިވެހިރާއްޖޭގެ ރައްޔިތުން ނުކުމެ ”ލާދީނީ ބައިގަނޑު“ ތަޅާ ”ރޯނާ“ ގަންނަވާލަންވީކަމަށް ރައްޔިތުންގެ މަޖިލީހުގެ ނޮޅިވަރަމް ދާއިރާގެ މެމްބަރު މުހައްމަދު ނަޝީދު (މޮސްޓާ) ވިދާޅުވެއްޖެއެވެ.

ދިވެހިރާއްޖޭގައި ”ހަރުކަށި“ ފިކުރު ފެތުރެމުންދާކަމަށް ބުނެ، އެ ފަދަ ކަންކަން ކޮންޓްރޯލް ކުރުމަށް ފައުޖެއް އުފެއްދުމަށް މަޖިލީހުގެ ތަޅުމަށް ހުށައެޅި ބިލަކަށް އިޝާރާތްކުރައްވާ، ނަޝީދު ވިދާޅުވީ، އިސްލާމް ދީނާއި ދެކޮޅަށް ފިކުރު ފަތުރާ ފަރާތްތަކާއި ދެކޮޅަށް ރައްޔިތުން ނުކުންނަން ޖެހިއްޖެ ކަމަށެވެ.

ނަޝީދު ވިދާޅުވީ، ރާއްޖޭގެ އެންމެ ފުރަތަމަ ބާރަކީ، ރައްޔިތުންގެ ބާރު ކަމަށެވެ. އަދި އެހެނިހެން ހުރިހާ ބާރެއް ފެށިގެން އަންނީ ރައްޔިތުންގެ ކިބައިން ކަމަށްވެސް އެނާ ފާހަގަކުރެއްވިއެވެ.

Rayyithun nikume laadheenee baigandu thalhaa roanaa gannavaalan vee … Rayyithun ge baaru akee furathama baaru.. baaru thah feshigen ah nanee Rayyithun ge kibain… Ekaku 2meehaku nikutheema fiyavalhu elheyne ekamu ethah Haas Rayyithun nikutheeema kurevayne kameh Noah naane 🙏 https://t.co/sp6UcC8L84

— Mohamed Nasheed Abdulla ( MosTaaA ) (@MNA_MosTaaA) September 1, 2022

”ލާދީނީ“ މީހުންނާއި ދެކޮޅަށް، ދިވެހިރައްޔިތުން ނުކުންނަން ޖެހޭކަން ފާހަގަކުރައްވައި ނަޝީދު ވިދާޅުވީ، އެންމެ ރައްޔިތެއް ނުވަތަ ދެ މީހަކު، މަގުތައް މައްޗަށް ނުކުތުމުން، އެ ބަޔަކާއި ދެކޮޅަށް ފިޔަވަޅު އެޅިދާނެކަމަށެވެ. އެހެން ނަމަވެސް އެތައް ހާސް ބަޔަކު ނުކުތީމަ، އެ ބަޔަކާއި ދެކޮޅަށް ކުރެވޭނެ ކަމެއް ނޯންނާނެ ކަމަށްވެސް އެނާ ވިދާޅުވިއެވެ.

”ހަރުކަށި“ ފިކުރު ހުއްޓުވުމަށް ފައުޖެއް އުފެއްދުމަށް މަޖިލީހުގެ ތަޅުމަށް ބިލެއް ހުށައެޅުއްވީ، މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދެވެ. އެނާ ވިދާޅުވީ، ”ހަރުކަށި“ އަމަލުތައް ހިންގާ ފަރާތްތައް ހުއްޓުވުމަށް ސަރުކާރުގެ މުއައްސަސާތައްވަނީ ފަހަތައް ޖެހިފައިކަމަށެވެ. އެހެންކަމުން އެކަމާއި ދެކޮޅަށް އާ އިންތިޒާމެއް ހަމަޖައްސަން ޖެހިފައިވާކަމަށްވެސް އެނާ ވިދާޅުވިއެވެ.