މަސްތުވާތަކެތީގެ މައްސަލައިގައި ހައްޔަރު ކުރެވިފައިވާ ގައިދީންތަކެއް، ރީހެބް ފުރިހަމަ ކުރުވައި، މުޖުތަމައުގެ ތެރެއަށް ނެރުމަކީ، މުޖުތަމައު ސަލާމަތް ކުރުމަށް އެޅުނު އުސް ފިޔަވަޅެއް ކަމަށް ހޯމް މިނިސްޓަރ ޝައިހު އިމްރާން އަބްދުﷲ ވިދާޅުވެއްޖެއެވެ.
ޕްރިޒަން ބޭސްޑް ޑްރަގް ރިހެބިލިޓޭޝަން ޕްރޮގްރާމު ފުރިހަމަކުރި 32 ގައިދީން ޝަރުތުތަކާއިއެކު، އާއިލާއާއި ހަވާލު ކުރެވިފައިވާކަމަށް އިޝާރާތްކުރައްވާ، އިމްރާން ވިދާޅުވީ، ރާއްޖޭގެ ތާރީހުގައި ފުރަތަމަ ފަހަރަށް ޖަލުގެ ތެރޭގައި މަސްތުވާތަކެތިން ރިހެބިލިޓޭޓް ކުރުމަށް ފެށި ޕްރޮގްރާމް ފުރިހަމަ ކުރި ގައިދީން، މުޖުތަމައަށް އަހުލުވެރި ކުރުމަކީ، އެ ތަކެތީގެ ވަބާއިން މުޖުތަމައު ސަލާމަތްކުރުމުގެ މަގަށް އެޅުނު އިސް ފިޔަވަޅެއްކަމަށެވެ.
Raajjeyge thaareekh gai furathamafaharah jaluge thereygai drug rehabilitation program furihamakuri gaidheen community ah re integrate kurumakee,masthuva thaketheege vabaain mujuthamau salaamaiy kurumuge magugai elhunu us fiyavalheh. https://t.co/kPxmYyFKf0
— Imran Abdulla (@ShimranAb) September 3, 2022
Islahee masahkathakee hama ekani vaahaka dhekkumakun nuvatha kuru muhdhathehge madhu masahkathakun vaane kameh nooneve.heyo badhaleh geneveynee eh amaazakah,dhigumuhdhathakah,foohikameh varubalikamehnethi kurevey gina,bura masahkathunneve.
— Imran Abdulla (@ShimranAb) August 31, 2022
މީގެ އިތުރުން އިމްރާންވަނި އެހެން ފުރުސަތެއްގައި، އިސްލާހީ މަސައްކަތަކީ، ހަމަ އެކަނި، ދައްކާލާ ވާހަކައަކުނ،ް ނުވަތަ، ކުރު މުއްދަތެއްގެ މަދު މަސައްކަތަކުން ވާނެ ކަމެއް ނޫންކަމަށް ސިފަ ކުރައްވާފައެވެ. އަދި ހެޔޮ ބަދަލެއް ގެނެވޭނީ، އެއް އަމާޒަކަށް، ދިގު މުއްދަތަކަށް، ފޫހިކަމަކާއި ވަރުބަލިކަމެއް ނެތި ކުރެވޭ ގިނަ ބުރަ މަސައްކަތުންކަމަށްވެސް ވިދާލުވެފައެވެ.
ކަރެކްޝަނަލް ސާވިސްއިން އާންމުކޮށްފައިވާ ގޮތުން، ޖަލުގައި ކުރިއަށް ގެންދިޔަ ރިހެބިލިޓޭޝަން ޕްރޮގްރާމްގެ ދަށުން އާއިލާތަކާއި ހަވާލު ކުރެވިފައިވާ ގައިދީންތައްވަނީ އެއް އަަހަރު ދުވަހުގެ މުއްދަތަކަށް ޝަރުތުތަކެއް ކުރެވިފައެވެ. އަދި ކަރެކްޝަންއިން އެ މީހުންގެ ކަންކަން މޮނީޓަރ ކުރާނެކަމަށްވެސް ބުނެފައިވެއެވެ.