ރައީސުލްޖުމުހޫރިއްޔާ އިބްރާހިމް މުހައްމަދު ސާލިހަކީ، ދެވަނަ މަޖިލީހުގެ ރައީސް މުހައްމަދު ނަޝީދު ކަމަށް ކުރީގެ ކޮމިއުނިކޭޝަންސް މިނިސްޓަރު މުހައްމަދު މަލީހު ޖަމާލު ވިދާޅުވެއްޖެއެވެ.
ރައީސް ސާލިހަށް ފާޑު ވިދާޅުވެ ކުރެއްވި ޓްވީޓެއްގައި މަލީހު ވިދާޅުވީ، ޅ ހިންނަވަރު ނޫރާނީއާގެ، އިބްރާހިމް މުހައްމަދު ސާލިހަކީ، ދުލި ދޫކޮށްފައި ނުކުންނަވާ ހުންނެވި، ކެނެރީގެ މުހައްމަދު ނަޝީދެއް ކަމަށެވެ. އަދި ރައީސް ނަޝީދާއި، ރައީސް ސާލިހުވެސް އެކި ކަންކަމުގައި ގެންގުޅުއްވަނީ، އެއް ވިސްނުމެއް ކަމަށްވެސް މަލީހު ފާހަގަކުރެއްވިއެވެ.
މަލީހު ވިދާޅުވީ، ރައީސް ނަޝީދާއި، ރައީސް ސާލިހު އުޅުއްވަނީ އެއް ކަހަލަ ގޮތަކަށް ކަމަށެވެ. އަދި ދެބޭފުޅުންގެ ވައްޓަފާޅިވެސް އެއްގޮތް ކަމަށް އިޝާރާތް ކުރައްވާ، އެނާ ވިދާޅުވީ، ރައީސް ސާލިހު، ވަންޔާ ވާނީ، ރައީސް ނަޝީދަށް ވުރެވެސް “ގޯސް” މީހަކަށް ކަމަށެވެ. އަދި ދެބޭފުޅުންވެސް ދުވަހަކުވެސް ދިވެހިރާއްޖެއަށް ހެޔޮ ނޭދޭކަމަށާއި، ބިތުފަންގި ނަގާ ދުވަހު، އެކަން ކަށަވަރު ވާނެކަމަށް އިޝާރާތްކުރައްވާ، އެ ދުވަސް ގާތްވެއްޖެކަމަށްވެސް ވިދާޅުވިއެވެ.
ޅ.ހިންނަވަރު ނޫރާނީއާގެ އިބްރާހީމް މުހައްމަދު ސޯލިހަކީ ދުލި ދޫކޮށްފައި ނިކުންނަވާފައި ހުންނެވި ގ.ކެނެރީގެ މުހައްމަދު ނަޝީދެއް. ވިސްނުމާއި,އުޅުމާއި,ވައްޓަފާޅި ހަމަ އެކައްޗެއް. ވިއްޔާ ވާނީ ގޯސް. ދުވަހަކުވެސް މި ދިވެހި ޤައުމަށް ހެވެއް ނޭދޭނޭ. ބިތުފަންގި ނަގާނެ ދުވަސް ކައިރިވެއްޖެ.
— Mohamed Maleeh Jamal (@maleehjamal) September 5, 2022
ޕީޕީއެމްގެ 25 ބުރީގެ ތަރައްޤީގެ ފައިބުޑުގައި އެމްޑީޕީގެ ޓިނު ތަރައްޤީ! އެމްޑީޕީގެ ވިސްނުންވަނީ ބޭންކްރަޕްޓްވެފައި ކަމަށް ރައްޔިތުން ބުނަނީ މިހެންވެ. ނޫން ދަރިވަރުންދާ ސްކޫލުގެ އުމްރާނީ ފެންވަރުވެސް މުހިންމު. ޓެމްޕަރޭޗަރވެސް މުހިންމު. ވަސީލަތްވެސް މުހިންމު. ނުވަންޏާ ފައިބާ. pic.twitter.com/TrTuCZ5MOH
— Mohamed Maleeh Jamal (@maleehjamal) September 5, 2022
މީގެ އިތުރުން މަލީހު ވަނީ، ރައީސް ސާލިހު އަދި ރައީސް ޔާމީން ގެނެސްދެއްވާފައިވާ ތަރައްގީތަކަށް އަލި އަޅުވައި ވާހަކަދައްކަވާފައެވެ.
ހިޔާ ފްލެޓުތަކަށް އިޝާރާތްކުރައްވާ މަލީހު ވިދާޅުވީ، ޕީޕީއެމްގެ އިން ގެނެސްދީފައިވަނީ 25 ބުރީގެ ތަރައްގީއެއް ކަމަށެވެ. އަދި އެޔާ ބަލައި، އެމްޑީޕީއިން ގެނެސްދީފައިވަނީ ޓިނު ތަރައްގީއެއްކަމަށް އެނާ ވިދާޅުވިއެވެ.
މަލީހު ވިދާޅުވީ، އެމްޑީޕީގެ ވިސްނުންވަނީ ބެންކުރަޕްޓުވެފައިކަމަށް ރައްޔިތުން ބުނަމުންދާކަމަށެވެ. އަދި ދަރިވަރުންދާ ސުކޫލުތަކުގެ އުމްރާނީ ތަރައްގީ މުހިންމު ކަމަށާއި، ކުދިން ކިޔަވަން ތިބޭ ތަނުގެ ފިނި ހޫނު މިނުގެ އިތުރުން، ބޭނުން ކުރާ ވަސީލަތްތައްވެސް މުހިންމު ކަމަށް އިޝާރާތްކުރައްވާ އެނާވަނީ، އެކަންކަން ފުރިހަމަ ނުކޮށްދެވެންޔާ ރައީސް ސާލިހު އިސްތިއުފާ ދެއްވުމަށް ގޮވާލާފައެވެ.