މާލޭގެ މޭޔަރު ޑރ މުހައްމަދު މުއިއްޒު ޕާކިންގް މައްސަލަ ހައްލު ކުރެއްވުމަށް، ސަހަރާތައް ކޮނެ، ގަބުރުތައް ނަގަމުންދާކަމަށް، ރައްޔިތުންގެ މަޖިލީހުގެ ހެންވޭރު މެދު ދާއިރާގެ މެމްބަރު އަލީ އާޒިމް ވިދާޅުވެއްޖެއެވެ.
ދަތުރުފަތުރުގެ ނިޒާމަށް ލުއިތައްކެ ގެނައުމައްޓަކައި، މިނީ ބަހުގެ ހިދުމަތް ތާއާރަފްކޮށްފައިވާ ދަނޑިވަޅެއްގައި، ބަސްތައް ދުއްވުމަށް މަގުތަކުގައި ޖާގަހެދުމަށް ޕާކިންގް މައްސަލަތައް ހައްލުކުރަމަށް ގެންގުޅުއްވާ އުސޫލުތަކަށް އިޝާރާތްކުރައްވާ، މޭޔަރު މުއިއްޒުއަށް ފާޑުވިދާޅުވަމުން، އާޒިމް ވިދާޅުވީ، މާލޭގެ ސަހަރާތައް ކޮނެ، އެ ތަންތަނުގައި ތިބި ގަބުރުތައް ނެގުމަކުން، މާލޭގެ ޕާކިންގް މައްސަލައަކަށް ހައްލެއް ނާންނާނެކަމަށެވެ.
ސަހަރާތައް ކޮނެ ގަބުރުތައް ނެގުމަކުން މާލޭގެ ޕާކިންނަކަށް
ހައްލެއް ނާންނާނެ.@MMuizzu ތިކުރާ މަސައްކަތަކުން
މާލޭގައި ދިރިއުޅޭ މީހުންނަކަށް ލުޔެއް ނުލިބެ
ލުޔެއްލިބޭނީ ލާމަރުކަޒީ ގާނޫނުގައި ބުނެފައިވާގޮތަށް ވެހިކަލް
ކެރީން ކެޕޭސިޓީ ސިޓީ ކައުންސިލުން ކަނޑައަޅަންކެރުނު އިރަކުން
— 𝐀𝐥𝐢 𝐀𝐳𝐢𝐦 (@aliaazim) September 6, 2022
އާޒިމް ވިދާޅުވީ، މުއިއްޒު ކުރައްވާމުންދާ މަސައްކަތުން، މާލޭގެ ރަށްވެހިންނަށް ލުއިފަސޭހަތަކެއް ލިބުމުގެ ބަދަލުގައި ކުރިމަތިވަނީ ދަތިތަކެއް ކަމަށެވެ. އަދި ލުއިތަކެއް ލިބިގެންދާނީ، ލާމަރުކަޒީ ގާނޫނުގައި ބުނެފައިވާގޮތަށް ވެހިކަލް ކެރީއިން ކެޕޭސިޓީ ކަނޑައަޅަން ސިޓީ ކައުންސިލަށް ކެރުނު އިރަކުންކަމަށްވެސް އެނާ ވިދާޅުވިއެވެ.
މާލޭގެ ޕާކިންގް މައްސަލަތައް ހަލު ކުރުމަށް މޭޔަރު މުއިއްޒު ކުރައްވާ މަސައްކަތްތަކަށް އާޒިމްގެ ފާޑުކިޔުންތައް އަމާޒުވެފައިވާއިރު، ފުލުހުންގެ މުއައްސަސާއިންވަނީ، މިނީ ބަސްތަކުގެ ހިދުމަތްތަކަށް ފުރިހަމަ ކަމެއް ގެނައުމުގެ މަގުސަދުގައި، ބައެއް ސަރަހައްދުތަކުގެ ޕާކު ކުރުން މަނާކޮށްފައިވާކަމަށް އިއުލާނުކޮށްފައެވެ. އެގޮތުން، ގަވައިދާއި ހިލާފުވާގޮތަށް ޕާކު ކޮށްފައިވާ އުޅަނދުތަކުގައި ސްޓިކާޖަހާނެކަމަށާއި، އެ ވަރުން ހައްލު ނުވެއްޖެ ނަމަ، ޓޯވެސް ކުރާނެކަމަށް ފުލުހުންވަނީ އިއުލާނުކޮށްފައެވެ.
advertisment