ދިރާގުން ސެމްސަންގް ގެލެކްސީ ޒީ ފޯލްޑް4 އަދި ޒީ ފްލިޕް4 ގަނެވޭނެ މަގުފަހިކޮށްފި

ދިރާގުން ސެމްސަންގް ގެލެކްސީ ޒީ ފޯލްޑް4 އަދި ސެމްސަންގް ގެލެކްސީ ޒީ ފްލިޕް 4 ފަސޭހަކަމާއިއެކު ގަނެވޭނެ އިންތިޒާމެއް ހަމަޖައްސައިފިއެވެ.

ދިރާގު ވެބްސައިޓުން ފަސޭހަކަމާއެކު ގަންނަން ލިބޭނެ ގޮތަށް އިންތިޒާމުކޮށްފައިވާ ސެމްސަންގުގެ މި ދެ ފޯނަކީ، ފަތްޖަހާލެވޭ ގޮތަށް ފަރުމާ ކުރެވިފައިވާ ފޯނުތަކެކެވެ. ދިރާގުންވަނީ އެ ކުންފުނީގެ ކަސްޓަމަރުންނަށް ވަގުތުން ހުރިހާ ފައިސާއެއް ދެއްކުމަށްފަހު ގަނެވޭނެ މަގު، އަދި 12 މަސްދުވަހަށް ބަހާލައިގެން ފައިސާ ދެއްކުމުގެ އިހްތިޔާރު ފަހިކޮށްދީފައެވެ.

ދިރާގުންވަނީ ފޯނު ގަތުމުގެ އިންތިޒާމާއިއެކު، ޒީ ފޯލްޑް4 އަދި ޒީ ފްލިޕް4 ގަންނަ ކަސްޓަމަރުންނަށް 6 މަސް ދުވަހަށް މަހަކު 5ޖީބީގެ ހިލޭ ބޯނަސް ޑޭޓާވެސް ލިބޭނެ ކަމަށްވެސް ބުނެފައެވެ. އަދި ހުރިހާ ފައިސާއެއް ދެއްކުމަށްފަހު، ޒީ ފޯލްޑް4 ގަންނަ ކަސްޓަމަރުންނަށް 3000 ރުފިޔާގެ ޑިސްކައުންޓެއް ވެސް ލިބޭނެކަމަށްވެސް ބުނެފައިވެއެވެ.

ދިރާގުން ގެލެކްސީ ޒީ ފޯލްޑް4 އަދި ޒީ ފްލިޕް 4 ގަތުމަށް: https://bit.ly/3RDwdeF

ދިރާގުން ބުނެފައިވާގޮތުން، ގެލެކްސީ ޒީ ފޯލްޑް4 އަދި ޒީ ފްލިޕް4 ގަންނަ ފަރާތްތަކަށް، 3 މަސްދުވަހުގެ ހިލޭ ސްޕޮޓިފައި އަދި ވަން ޑްރައިވެގެ 100ޖީބީ 6 މަސްދުވަހަށް ބޭނުންކުރެވޭ ސެމްސަންގް ޕްރޮމޯޝަންގައި ބައިވެރިވެވޭނެއެވެ.