ދިވެހި މުޖުތަމައުގެ ތެރޭގައި އޮންނަ ހަމަތަކާއި، ގެންގުޅޭނެ ސުލޫކުތައް ބައްޓަން ކުރުމަކީ މީޑިއާގެ ޒިންމާއެއްކަމަށް ހޯމް މިނިސްޓަރ ޝައިހު އިމްރާން އަބްދުﷲ ވިދާޅުވެއްޖެއެވެ.
ހޯމް މިނިސްޓްރީގެ ޓްވިޓަރ މެދުވެރިކޮށް އިމްރާން ވިދާޅުވެފައިވާގޮތުން، އެވަގުތެއްގައި މުޖުތަމައުގެ ތެރޭގައި އޮންނަ ހަމަތަކެއް ކަނޑައަޅާނީ، މީޑިއާތަކުންނެވެ. އަދި ގެންގުޅެންވީ ސުލޫކާއި، މުޖުތަމައެއްގެ ތެރޭގައި ހިފަހައްޓަންވީ މިންގަނޑުތައް ކަނޑައެޅުމަކީވެސް އެ ވަގުތެެއްގައި އޮތް މީޑިއާއެއް އަދާ ކުރަންޖެހޭ މަސްއޫލިއްޔަތާއި ޒިންމާކަމަށް އިމްރާން ވިދާޅުވިއެވެ.
އެމުޖުތަމައެއްގައި އޮންނަންވީ ހަމަތައް، ގެންގުޅެންވީ ސުލޫކުތައް، ހިފަހައްޓަންވީ މިންގަނޑުތައް ބައްޓަން ކުރުމަކީ އެވަގުތެއްގައި އެމުޖުތަމައެއްގައި އޮންނަ މީޑިއާގެ މަސްއޫލިއްޔަތާއި ޒިންމާ – މިނިސްޓަރ އިމްރާން ޢަބްދުﷲ pic.twitter.com/Ax0bG56sqH
— Home Ministry, MV (@HomeMinistrymv) September 8, 2022
އަޅުގަނޑުމެން ތިބެގެނެއް މީޑިޔާ ހަންޏެއް ނުކުރާނަން. މީޑިޔާ ޒިންމާދާރުވުމަށް މީޑިޔާ އަދުލުވެރިވުމަށް, މީޑިޔާ ރަނގަޅު ގޮތުގައި ބޭނުންކުރުން އެއީ ދީނީ ޤައުމީ ބޮޑު ޒިންމާއެއް – ޝައިޚް އިމްރާން pic.twitter.com/XMkBOMk7rd
— Adhaalath Party (@AdhaalathOffice) September 8, 2022
އިމްރާންވަނީ މީގެ އިތުރުންވެސް މީޑިއާތަކުގެ ޒިންމާތަކާއި މަސްއޫލިއްޔަތާއިމެދު ވާހަކަދައްކަވާފައެވެ.
އެގޮތުން އިމްރާން ވިދާޅުވީ، މީޑިއާތަކުގެ ބޭނުން ރަނގަޅުގޮތަށް ހިފުމަކީ ދީނީ ޒިންމާއެއްކަމަށެވެ. އަދި ރައީސް ސާލިހުގެ ސަރުކާރުން މީޑިއާތަކުގެ ޒިންމާ އަދާކުރުމަށް ފުރުސަތު ހަނިވެގެންދާފަދަ އަމަލުތަކެއް ނުހިންގާނެކަމަށާއި ޒިންމާދާރުކާމާއި، އަދަލުވެރިކަމާއިއެކު ރަނގަޅު ގޮތުގައި މީޑިއާ ބޭނުން ކުރުމަކީ، ގައުމީ އަދި ދީނީ ބޮޑު ޒިންމާއެއްކަމަށްވެސްް އެނާ ވިދާޅުވިއެވެ.
advertisment