ފުލުހުންނަށް ހަމަލާދިނުމުގައި ޝާމިލުވި އެންމެން ހައްޔަރު ކުރާނެކަމަށް ޕޮލިސް ކޮމިޝަނަރު މުހައްމަދު ހަމީދު ވިދާޅުވެއްޖެ އެވެ.
ފުލުހުންގެ މުއައްސަސާގެ ތިން މީހަކަށް ހަތިޔާރުތަކެއް ބޭނުންކޮށްގެން ހަމަލާދީފައިވާކަން ކަށަވަރުކޮށްދެއްވައި، ސީޕީ ހަމީދު ވިދާޅުވީ، ފުލުހުންނަށް ހަމަލާތަކެއް ދީފައިވަނީ، ހެންވޭރުގައި ހަރަކާތްތެރިވަމުން އަންނަ ކުށްތަކަށް އަރައިގަންނަ ގުރޫޕަކުން ކަމަށެވެ. އަދި އެކަން ހިނގާފައިވަނީ ހަމަލާ އަމާޒުވި ފުލުހުންގެ އޯފް ޑިއުޓީ ވަގުތުގައިކަމަށް އެނާ ވިދާޅުވިއެވެ.
ތިން ފުލުހުންނަށްވެސް ހޮސްޕިޓަލުގައި ފަރުވާ ދެމުން އަންނަކަމަށް ފާހަގަކުރައްވާ ހަމީދު ވިދާޅުވީ، އެ ހަމަލާއާއި ގުޅިގެން ދެމީހަކުވަނީ ހައްޔަރު ކުރެވިފައިކަމަށެވެ. އަދި މި މައްސަލައިގައި އަވަސް ފިޔަވަޅުތަކެއް އެޅުމަށް ފުލުހުންގެ ޓީމުތަކަކަށް އިރުޝާދު ދެވިފައިވާކަމަށެވެ. ފުލުހުންނަށް ހަމަލާދިނުމަކީ، ސީރިއަށް މައްސަލައެއްގެ ގޮތުގައި ބަލާނެކަމަށްވެސް އެނާ ވިދާޅުވިއެވެ.
We have arrested 2 assailants & will arrest all those who were involved. I have instructed teams to take swift actions on this matter. Violence against police officers will be taken very seriously. @PoliceMv will not backdown on efforts to tackle organised crime groups and drugs.
— Mohamed Hameed (@M_Hameedh) September 9, 2022
ހަމީދު ވިދާޅުވީ، ފުލުހުންނަށް ހަމަލާދިން މައްސަލަ ބެލުމުގައި އެ މުއައްސަސާއިން ފަސް ނުޖެހޭނެކަމަށެވެ. އަދި ރާވައިގެން ކުށްތަކަށް އަރައިގަތުމާއި، މަސްތުވާތަކެތީގެ ވިޔަފާރި ކުރާ މީހުން ހުއްޓުވުމުގައިވެސް ފުލުހުން ފަސް ނުޖެހޭނެކަމަށް އެނާ ވިދާޅުވިއެވެ.
The wider systems need to step up efforts to holistically tackle the problems of violent crime groups and the trafficking of narcotic drugs. More support is needed to protect police officers, for us to be able to protect lives of people and serve communities.
— Mohamed Hameed (@M_Hameedh) September 9, 2022
މީގެ އިތުރުން ސީޕީ ހަމީދު ވިދާޅުވީ، ގޭންގު ކުށްތައް ހުއްޓުވަންށާއި، މަސްތުވާތަކެތީގެ ވިޔަފާރިތައް ހުއްޓުވުމުގައި ހުރިހާ މުއައްސަސާތަކުން ކުރަމުންދާ މަސައްކަތްތައް އިތުރު ކުރަންޖެހޭ ކަމަށެވެ.
އަދި ފުލުހުންގެ މުއައްސަސާގެ މުއައްޒިފުންގެ ރައްކައުތެރިކަން ކަށަވަރު ކުރުމުގައާއި، އާންމުންގެ ރައްކައުތެރިކަން ކަށަވަރުކޮށް، މުޖުތަމައަށް ހިދުމަތް ކުރުމުގައި އިތުރު އެހީތައް ބޭނުންވާކަމަށްވެސް އެނާ ފާހަގަކުރެއްވި އެވެ.
advertisment