މަސްތުވާތަކެތީގެ މައްސަލައެއްގައި 5 މީހަކު ހައްޔަރުކޮށް، 4 ކިލޯގެ ހެރޮއިން ހޯދިފައިވާކަމަށް ކޮމިޝަނާރ އޮފް ޕޮލިސް (ސީޕީ) މުހައްމަދު ހަމީދު ވިދާޅުވެއްޖެއެވެ.
ސީޕީ ކުރެއްވި ޓުވީޓެއްގައި ވިދާޅުވެފައިވަނީ ގިނަ އަދަދެއްގެ މަސްތުވާތަކެތި އެތެރެކުރިކަމަށް ފުލުހުންނަށް ލިބިފައިވާ އިންޓެލިޖެންސް މައުލޫމާތުގެ މައްަޗަށް، 4 މާޗުގައި މާލޭގައި ފުލުހުންގެ އޮޕަރޭޝަންއެއް ހިންގާފައިވާކަމަށެވެ.
މާލޭގެ 10 ތަނެއް މި މައްސަލައިގައި ބަލާ ފާސްކުރިކަމަށާއި، 5 ފިރިހެނުން ހައްޔަރުކޮށްފައިވާކަމަށެވެ.
ގިނަ އަދަދެއްގެ މަސްތުވާތަކެތި އެތެރެކުރިކަމަށް ފުލުހުންނަށް ލިބިފައިވާ އިންޓެެލިޖެންސް މައުލޫމާތުގެ މައްޗަށް، 4 މާޗު ގައި މާލޭގައި ފުލުހުން އޮޕަރޭޝަންއެއް ހިންގާފައިވޭ. މާލޭގެ 10 ތަނެއް ބަލާފާސްކޮށް، 5 ދިވެހި ފިރުހެނުން ހައްޔަރުކޮށް، 4.097 ކިލޯ ހެރޮއިން ފޮރުވާފައި ހުއްޓާ ހޯދުނު. pic.twitter.com/FgsznqayHq
— Mohamed Hameed (@M_Hameedh) March 7, 2023
4 ކިލޯއަށްވުރެ ގިނަ ހެރޮއިން ފޮރުވާފައި ހުއްޓާ ހޯދުނުކަމަށްވެސް ސީޕީ ވަނީ ވިދާޅުވެފައެވެ.
މި ސަރުކާރުގެ އިސްވެރިން ފާހަގަކުރައްވާ ގޮތުގައި އެންމެ ގިނަ މަސްތުވާތަކެތި އަތުލައިގަނެވިފައިވަނީ މި ސަރުކާރަށެވެ.