އެމްޑީޕީއަށް ލާމަރުކަޒު ކުރުމާއި ބެހޭގޮތުން އިނގެނީ އެ ބަސް އެކަނިކަމަށް ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވެއްޖެއެވެ.
ވެރިކަންކުރާ މައި ޕާޓީ އެމްޑީޕީއަށް ފާޑުކިޔުންތަކެއް އަމާޒުކުރައްވާ ޝުޖާއު ވިދާޅުވީ، ލާމަރުކަޒު ކުރުމާއި ބެހޭގޮތުން އެމްޑީޕީއަށް އެއްވެސް ކަމެއް އިނގިފައިނުވާކަމަށެވެ. އެނާ ވިދާޅުވީ، އެމްޑީޕީގެ ފަރާތުން ލާމަރުކަޒީ ގާނޫނުތައް ހަދަމުންދާ ފަރާތްތަކަށް އެ ގާނޫނުތަކުގައި ލިޔެވިފައިވަނީ ކޮން ކަންކަމެއް ކަންވެސް އެނގިފައިނުވާކަމަށެވެ.
ޝުޖާއު ވިދާޅުވީ، މުނިސިޕަލް ހިދުމަތްތައް ދިނުމަކީ ކައުންސިލުތަކުގެ ޒިންމާއެއްކަމަށް ގާނޫނުގައި ބަޔާންކޮށްފައިވާކަމަށެވެ. އެހެން ނަމަވެސް ހުޅުމާލޭގެ މުނިސިޕަލް ހިދުމަތް ސިޓީ ކައުންސިލަށް ދިނުމާއި، ލާމަރުކަޒީ ކޮމިޓީގެ މުގައްރިރުވެސް ދެކޮޅުކަމަށް އެނާ ވިދާޅުވިއެވެ.
މިމީހުންނަށް އެގެނީ ހަމައެކަނި ”ލާމަރުކަޒު“ މިބަސް އެކަނި.ޤާނޫނުގަ ލިޔެފަވަނީ ކީކޭކަން ލިޔާމީހުންނަށްވެސް ނޭގޭ.ޤާނޫނުގައި ވަނީ މުނިސިޕަލް ޚިދުމަތް ދޭންވާނީ ކައުންސިލުން ކަމަށް.ހުޅުމާލޭގެ މުނިސިޕަލް ޚިދުމަތް ސިޓީކައުންސިލަށް ދިނުމާ ލާމަރުކަޒު ކޮމިޓީގެ މުޤައްރިރުވެސް ދެކޮޅު.1/2 https://t.co/JLmT0rT2C3
— Ibrahim Shujau (@IbrahimShujaau) September 9, 2022
ފަނޯއްލަ އެއްނޫން ފަޅޯއޮނު ބޭއްވިޔަސް މިކަން އޮތީ ހަމަ މިހެން.@MDPSecretariat ވަކާލާތު ކުރި ނިޒާމުގެ ބާރު ކައުންސިލުތަކަށް ނުދިން.ހުޅުމާލެ އަކީ އޭގެ ހެއްކެއް.@AfshanLatheef ރަގަޅަށް އަޅުގަނޑު މިދައްކާ ވާހަކަ އެގޭނެ.ބާރުވެރިކަމެއް ނުދިން.ޕީޕީއެމް ގެ މެޖޯރިޓީ އޮތީމަ ނުދިނީ.2/2
— Ibrahim Shujau (@IbrahimShujaau) September 9, 2022
ޝުޖާއު ވަނީ، ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ސަރުކާރުން އިންތިޒާމުކޮށްގެން ހިންގާ ފަނޯއްލައަށްވެސް މަލާމާތުގެ ބަސްތަކެއް ރައްދުކުރައްވާފައެވެ.
ޝުޖާއު ވިދާޅުވީ، ފަނޯއްލަ ނޫން ”ފަޅޯއޮނު“ ބޭއްވި ނަމަވެސް، އެމްޑީޕީއިން ލާމަރުކަޒީ ނިޒާމާއިމެދު ދައްކަމުންދާ ވާހަކަތައް ވަށާ ނުޖެހޭކަމަށެވެ. އަދި ލާމަރުކަޒީ ނިޒާމު ބާރުވެރިކުރުމުގެ ވާހަކަތައް ދެއްކި ނަމަވެސް، އެ ނިޒާމުގެ ދަށުން ކައުންސިލުތަކަށް ލިބެންޖެހޭ ބާރުތައް ދީފައިނުވާކަމަށް އިޝާރާތްކުރައްވާ އެނާ ވަނީ، ހުޅުމާލެއަކީ އެކަމުގެ ހެއްކެއް ކަމަށާއި، އެލްޖީއޭގެ ސީއީއޯ އަފްޝަން ލަތީފަށް އެނާ ކުރައްވާ ތުހުމަތުތަކުގެ ސައްހަކަން ސާފުވާނެކަމަށް އިޝާރާތްކުރައްވާފައެވެ.
މީގެ އިތުރުން ޝުޖާއު ވިދާޅުވީ، ހުޅުމާލޭގައި މުނިސިޕަލް ހިދުމަތް ދިނުމުގެ ބާރު ސިޓީ ކައުންސިލަށް ދީފައިނުވަނީ، މާލެ ސިޓީ ކައުންސިލަކީ ޕީޕީއެމްގެ މެޖޯރިޓީ އޮތް ތަނަކަށްވުމުންކަމަށްވެސް ވިދާޅުވެފައެވެ.
