ބޮޑު ތަކުރުފާނު ދުނިޔޭގައި ހުންނެވިނަމަ، ރައީސުލްޖުމުހޫރިއްޔާ އިބްރާހިމް މުހައްމަދު ސާލިހަށް އުތީމު ގަނޑުވަރަށް ވަދެވަޑައިގަތުމުގެ ފުރުސަތު ނުލިބުނީސްކަމަށް ކުރީގެ ކޮމިއުނިކޭޝަންސް މިނިސްޓަރ މުހައްމަދު މަލީހު ޖަމާލް ސިފަކުރައްވައިފިއެވެ.
ދިވެހިރާއްޖޭގެ ގައުމީ ދުވަސް ފާހަގަކުރެއްވުމަށް ރައީސް ސާލިހު އުތީމަށް ވަޑައިގެން ހުންނެވި ކަމަށް އިޝާރާތްކުރައްވާ، އެމަނިކުފާނުވަނީ ދިވެހިރާއްޖެ ބައެއްގެ އަތް ދަށު ކުރައްވާފައިކަމަށް ސިފަކުރައްވާ މަލީހު ވިދާޅުވީ، ރައީސް ސާލިހަށް އުތީމުން މަރުހަބާ ނުކިޔުމަކީ އެ ރަށުގެ ރައްޔިތުންގެ ޒިންމާއެއްކަމަށެވެ.
މަލީހު ވިދާޅުވީ، މުހައްމަދު ތަކުރުފާނު ދުނިޔޭގައި ހުންނެވިނަމަ، އުތީމު ގަނޑުވަރަށް ވަޑައިގަތުމަށް ރައީސް ސާލިހަށް ދައުވަތެއް ނުދެއްވާނެކަމަށެވެ. އަދި ރައީސް ސާލިހަކީ ރާއްޖޭގެ މިނިވަންކަމާއި އިސްތިގުލާލަށް ބުރޫ އަރާ ފަދަ ގޮތަކަށް އަމަލު ކުރައްވާފައިވާ ވެރިއެއްކަމަށް ސިފަކުރައްވާ މަލީހުވަނީ ރައީސް ސާލިހަށް މަރުހަބާ ކިޔަން ޖެހުނު ދުވަހަކީ އެ ރަށުގެ ރައްޔިތުންނަށް ތާރީހީ ގޮތުން އަނދިރި ދުވަހެއްގެ ގޮތުގައި ފާހަގަކުރައްވާފައެވެ.
މުހައްމަދު ތަކުރުފާނު ދުނިޔޭގައި ހުންނެވިނަމަ އުތީމު ގަނޑުވަރަށް ރައީސް އިބޫއަށް ދަޢުވަތު ނުދެއްވާނެ. އުތީމު ރައްޔިތުންގެ ޒިންމާއެއް ޤައުމުގެ މިނިވަންކަމާއި އިސްތިޤުލާލަށް ބުރޫ އަރުވާ ވެރިންނަށް އުތީމުން މަރުޙަބާ ނުކިޔުމަކީ. އުތީމުގެ ތާރީޚަށް މިއަދަކީ އަނދިރި ދުވަހެއް. pic.twitter.com/tVzBWrYdRm
— Mohamed Maleeh Jamal (@maleehjamal) September 26, 2022
މީގެ އިތުރުންވެސް މަލީހުވަނީ ރައީސް ސާލިހު އަދި ސަރުކާރަށް ފާޑުކިޔުންތަކެއް އަމާޒު ކުރައްވާފައެވެ. އެގޮތުން ދާދި ފަހުން ރާއްޖޭގެ ޕްރޮސެކިއުޓަރ ޖެނަރަލް ހުސައިން ޝަމީމްވަނީ ރާ ފުޅިއެއްގެ ފޮޓޯގަނޑެއް އާންމުކުރައްވާފައިކަމަށް އިޝާރާތްކުރައްވާ އެނާ ވިދާޅުވީ، ރާއްޖައި “ބަނގުރާ ޖެނަރަލް” ގެ މަގާމެއް ނޯންނާނެކަމަށެވެ.
ދިވެހި ރައްޔިތުން ރައީސް ސާލިހާއި މަޖިިލީހުގެ ސުޕަރ މެޖޯރިޓީ ހަވާލު ކުރެއްވީ ޒިންމާތަކަކާއި އެކު ކަމަށް ފާހަގަކުރައްވާ މަލީހުވަނީ ޝަމީމް އުޅުއްވަނީ ގާނޫނަށް ވުރެ މަތީގައިތޯ ސުވާލު ކުރައްވާފައެވެ. އަދި އެފަދަ އަމަލުތަކަކީ ރައްޔިތުން “ޒީރޯ ޓޮލަރެންސް” ގެންގުޅޭ ކަންކަންކަމަށް ސިފަކުރައްވާ އެނާވަނީ ޝަމީމާއި މެދު އަޅާނެ ފިޔަވަޅާއި މެދު ރައީސް ސާލިހު ގޮތް ނިންމަވަން ގޮވާލާފައެވެ.
One Response
ނަށަށްހީވަނީ ތިހިރީ ބޮޑުތަނުން ބޯގޮވާފަހެން