ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައި ތަރައްގީ ކުރި، ހުޅުމާލޭގެ ފޭސް ދޭއްގެ ކޮންމެ ސަރަހައްދަކުން ވެސް ފެންނާނީ އެމަނިކުފާނުގެ ތަރައްގީގެ ލެގަސީކަމަށް އިދިކޮޅު ޕީޕީއެމްގެ ނައިބު ރައީސް އަދި މާލެ ސިޓީ ކައުންސިލްގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެ އެވެ.
ހުޅުމާލޭގެ އިތުރު ފިޔަވައްސެއް ހިއްކައި، ތަރައްގީކޮށް ބޯހިޔާވަހިކަމުގެ މައްސަލަތައް ހައްލު ކުރުމުގެ މަސައްކަތް ފެށީ މުއިއްޒުގެ ހައުސިން މިނިސްޓަރުކަމުގަ އެވެ. ހުޅުމާލޭގެ ގިނަ މަޝްރޫއުތަކެއް ހިންގުމުގައި ހިއްސާވާ މުއިއްޒު ވަނީ ހިޔާ މަޝްރޫއުގެ ދަށުން ސަރުކާރު ހިއްސާވާ ކުންފުނިތަކަށް ހާއްސަ ކުރި ޓަވަރުތަކަކީ އެއީ ރައީސް ޔާމީންގެ ވަރަށް ރަނގަޅު ނިންމުމެއްކަން ފާހަގަކުރައްވާފަ އެވެ.
ހިޔާ ފްލެޓު މަޝްރޫއުގެ ދަށުން ސަރުކާރު ހިއްސާވާ ކުންފުނިތަކުގައި މަސައްކަތް ކުރާ މުވައްޒަފުންނަށް ތަން މިލްކު ކުރެވޭ ގޮތަށް އެޅި ފްލެޓުތަކުން މިހާރު ސްޓެލްކޯ އާއި އެމްއޭސީއެލްއިން ވަނީ އެޕާޓަމަންޓުގެ ތަަޅުދަނޑިތައް ހަވާލުކޮށްފަ އެވެ. އަދި މީގެ ދެ މަސް ކުރިން ސްޓެލްކޯގެ މުވައްޒަފުން ވަނީ ޓަވަރުގައި ދިރިއުޅެން ފަށާފަ އެވެ.
އެމްއޭސީއެލް އިން އިމާރާތްކުރި 14 ބުރީގެ ދެ ޓަވަރުގައި ހުރި 384 އެޕާޓްމަންޓް އެ ކުންފުނީގެ މުވައްޒަފުންނާއި ވަނީ ހަވާލުކޮށްފަ އެވެ. މިކަން ފާހަގަކޮށް މުއިއްޒު ވިދާޅުވީ މިއީ ރައީސް ޔާމީންގެ ތަރައްގީގެ ދުރުވިސްނޭ ސިޔާސަތުކަމަށެވެ.
Hiyaa Mashroou ge therein sarukaaru kunfuni thakun kuriyah gendhan Raees @prz_ymn havaalu kurevvi flat thakuge therein MACL ge flat thah libunu rayyithunnah marhaba dhannavan.Hulhumale Ph2 ge komme kankolhakun fennanee Raees @prz_ymn ge tharaggee ge legacy. Dhuruvisney siyaasath https://t.co/vZDhZX7Tkt
— Dr Mohamed Muizzu (@MMuizzu) October 1, 2022
ހިޔާ މަޝްރޫއުގެ ދަށުން 7،000 ހައުސިން ޔުނިޓުގެ މަސައްކަތް ކުރިޔަށް ގެންދިޔައީ ޗައިނާގެ ޗައިނާ ސްޓޭޓް ކޮންސްޓްރަކްޝަން އިންޖިނިއަރިން ކޯޕަރޭޝަން (ސީއެސްސީއީ) އިންނެވެ. އަދި މަޝްރޫއުގެ ދަށުން 25 ބުރީގެ 16 ޓަވަރު ވަނީ އަޅާފަ އެވެ.
advertisment