މާފަރު އިންޓަރނޭޝަނަލް އެއަރޕޯޓްގެ ދެވަނަ ފޭސް ތަރައްޤީ ކުރުމުގެ މަޝްރޫއަށް ފަންޑު ކުރާނެ ކަމުގެ ޔަގީންކަން އަބޫދާބީ ފަންޑް ފޯ ޑިވެލޮޕްމެންޓް (އޭޑީ،އެފް،ޑީ) އިން ދީފައިވާކަން ފޮރިން މިނިސްޓަރ އަބްދުﷲ ޝާހިދު ހާމަކުރައްވައިފި އެވެ.
ފޮރިން މިނިސްޓަރ އަބްދުﷲ ޝާހިދު ދުބާއީއަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން އަބޫދާބީ ފަންޑު ފޯ ޑިވެލޮޕްމެންޓްގެ ޑިރެކްޓަރ ޖެނެރަލް މުހައްމަދު ސާއިފް އަލް ސުވައިދާ އާއި ވަނީ ބައްދަލު ކުރައްވާފައެވެ.
މި ބައްދަލުވުމާ ގުޅޭ ގޮތުން މިނިސްޓަރ ޝާހިދު ކުރެއްވި ޓުވީޓްގައި ވިދާޅުވީ ވަނީ މާފަރުގެ އެއާޕޯޓްގެ ދެވަނަ ފިޔަވަހީގެ އަމަލީ މަސައްކަތް ފަށާނެ ކަމުގެ ޔަގީންކަން އޭޑީއެފްޑީގެ ފަރާތުން ދީފައިވާ ކަމަށެވެ. ނަމަވެސް މަސައްކަތް ފަށާނެ ވަކި ތާރީހެއް ހާމައެއް ނުކުރައްވަ އެވެ.
މާފަރު އެއާޕޯޓުގެ ދެވަނަ ފޭސްގައި، ބިން ހިއްކުމާއި، ރަންވޭ ދިގުކުރުމާއި ބޮޑެތި ބޯޓު ޖެއްސޭ ފެންވަރަށް މާފަރު އިންޓަރނޭޝަނަލް އެއާޕޯޓް ތަރައްގީކުރުން ހިމެނެއެވެ.
