ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ސަރުކާރުން ގައުމަށް ގިނަ ހިދުމަތްތަކެއް ކޮށްދެއްވާފައިވާތީ، މި އަހަރުގެ ގައުމީ ޒުވާނުންގެ ދުވަސް ފާހަގަކުރައްވަނީ ހިތްހަމަޖެހިވަޑައިގެން ހުންނަވައި ކަމަށް ޔޫތު މިނިސްޓަރު އަހުމަދު މަހުލޫފު ވިދާޅުވެއްޖެއެވެ.
ޒުވާނުންގެ ދުވަހުގެ ތަހުނިޔާ ވިދާޅުވެ މަހުލޫފު ކުރެއްވި ޓުވީޓެއްގައި ވަނީ، ސަރުކާރުން ހިންގަމުންދާ އެޕްރެންޓިސްޝިޕް ޕްރޮގްރާމްގެ ތެރެއިން 20،000 އަށްވުރެ ގިނަ ވަޒީފާގެ ފުރުސަތު ފަހިކޮށްދެވިފައިވާނެކަމަށެވެ. އަދި ރައީސް ސާލިހުގެ ސާލިހުގެ ސަރުކާރުން ވަނީ 15،000 ދަރިވަރަކަށް ހިލޭ ޑިގްރީ ހޯދޭނެ މަގުވެސް ފަހިކޮށްދީފައިކަމަށް މަހުލޫފު ވިދާޅުވިއެވެ.
އެޕްރެންޓިސްޝިޕް ޕްރޮގްރާމް،20000 އަށްވުރެ ގިނަ ވަޒީފާ، 15000 ދަރިވަރުންނަަށް ހިލޭ ޑިގްރީ،ކުޅިވަރުގެ ރަންޒަމާން،474 މިލިއަން ރުފިޔާގެ SME ލޯނު ފަދަ އެތަށްކަމެއް ރައީސް @ibusolih ގެ ސަރުކާރުން ހާސިލްކޮށްދީފައިވާކަމީ ޤައުމީ ޒުވަަނުންގެ ދުވަސް ފާހަގަކުރާއިރު އޮތް ހިތްހަމަޖެހުމެއް.🇲🇻 pic.twitter.com/27kpHuggK0
— Ahmed Mahloof (@AhmedMahloof) October 22, 2022
އެނާ ވިދާޅުވީ، މިހާރުގެ ސަރުކާރުން ވަނީ ދިވެހިރާއްޖެއަށް “ކުޅިވަރުގެ ރަންޒަމާން” ގެނެސްދީފައިކަމަށެވެ. އަދި ޒުވާނުންގެ ކުރިއެރުމަށް އިކޮނޮމިކް މިނިސްޓްރީ މެދުވެރިކޮށް، 474 މިލިއަން ރުފިޔާގެ އެސްއެމްއީ ލޯނުތައް ވެސް ދީފައިވާނެކަމަށާއި، އެފަދަ އިތުރު އެތައް ކަމެއް ރައީސް ސާލިހުގެ ސަރުކާރުން ހާސިލުކޮށްފައިވާނެކަށް ފާހަގަކުރައްވާ މަހުލޫފު ވަނީ، މިއީ ޒުވާނުންގެ ދުވަސް ފާހަގަކުރާއިރު، އެނާއަށް ލިބިފައިވާ ހިތްހަމަޖެހުމެއް ކަމަށް ވިދާޅުވެފައެވެ.
advertisment