ހޯމް މިނިސްޓަރު ޝައިހު އިމްރާން އަބްދުﷲ އަކީ، މަގާމުގެ ދަހިވެތިކަމުގައި ކޮންމެފަދަ ކަމެއްވެސް ކުރައްވާފާނެ ބޭފުޅެއްކަމަށް މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.
ޗާގޯސް ނުވަތަ ފޯޅަވަހީގެ މައްސަލައިގައި ރައީސް ސާލިހު ވިދާޅުވި ވާހަކަތަކަކީ ތެދުމަކަށް އިމްރާން ހެކިވުމާއި އެކު، ނުރުހުން ފާޅުކުރައްވާ ޝިޔާމް ވިދާޅުވީ، މޭޑޭގައި އިމްރާން ހުންނެވީ “ކޮނޑުހުޅުން ނެއްޓޭވަރަށް” ކަރުދާސްތަކެއް ހިއްޕަވައިގެންކަމަށެވެ. އަދި ކަރުދާސްތަކެއް ދެއްކުމަށްފަހު، އެއީ ޑރ އަފްރާޝީމުގެ މަރުގެ މައްސަލަ އާއި ގުޅުން ހުރި ހެކިތަކެއް ކަމަށް އިމްރާން ވިދާޅުވެފައިވާ ކަން އެނާ ފާހަގަކުރެއްވިއެވެ.
ޝިޔާމް ވިދާޅުވީ، މޭޑޭ މުޒާހަރާގައި ޑރ އަފްރާޝީމް މަރާލި މީހުން އެނގިލައްވާކަމަށް އިމްރާން ވިދާޅުވެފައިވާކަމަށާއި، ހެކި ހުރިކަމަށްވެސް އެނާ ވިދާޅުވިކަމަށް އިޝާރާތްކުރައްވާ، ޝިޔާމް ވިދާޅުވީ، އެހެން ނަމަވެސް މަޖިލީހުގައި އެވާހަކަތަކާއިމެދު ސުވާލު ކުރުން އިމްރާން ވަނީ އެ ކަރުދާސްތައް ފުލުހުން އަތުލިކަމަށް ވިދާޅުވެފައިކަމަށް ފާހަގަކުރައްވާފައެވެ. އަދި އިމްރާނަކީ، މަގާމަށް ދަހިވެތި ބޭފުޅެއްކަމަށާއި، މަގާމެއް ހޯއްދެވުމުގެ ބޭނުމުގައި އެނާ ކޮންމެ ފަދަ ކަމެއްވެސް ކުރައްވަފާނެކަމަށް ޝިޔާމް ވިދާޅުވިއެވެ.
ކޮނޑުހުޅުން ނެއްޓޭވަރަށް ކަރުދާސްތަކެއް ހިއްޕަވައިގެން މޭޑޭގައިވެސް ގޮވި މިހުރީ ހެތްކޭ. ޑރ.އަފްރާޝީމް މަރާލުމުގައި ބައިވެރިވީ މިވެނި ބައެކޭ. މަޖިލީހުގައި އެސުވާލު ކުރުމުން ވިދާޅުވީ ކަރުދާސްތައް ޕޮލިހުން އަތުލައިފިޔޭ. މަޤާމުގެ ދަހިވެތިކަމުގައި ކޮންމެފަދަކަމެއްވެސް ކުރައްވަފާނެ😡 pic.twitter.com/wmXOsHb8py
— Ahmed Shiyam (@Shiyamaldives) October 27, 2022
ރައީސް ސާލިހު ދެއްކެވި ވާހަކަތަކަށް ތާއީދު ކުރައްވާ، އެވާހަކަތައް ތެދުކަމަށް ވިދާޅުވުމާއި އެކު، އިމްރާނަށް ޝިޔާމްގެ ފާޑުކިޔުންތައް އަމާޒުވެގެންދިޔައިރު، އެނާ ވަނީ ރައީސް ސާލިހަކީ އިސްލާމް ދީނުގެ ސައްހަ އަގީދާ ހިމާޔަތް ކުރައްވާ، ގައުމުގެ މިނިވަންކަން އަދި އިސްތިގުލާލް ދެމެހެއްޓުމަށް ކުރައްވަންޖެހޭ ކޮންމެ މަސައްކަތެއްވެސް ކުރައްވާނެ ބޭފުޅެއްކަމަށް ވިދާޅުވެފައެވެ. އަދި އެނާ އަށް އެކަންކަން ކަށަވަރު ކުރެވޭކަމަށްވެސް އިމްރާން ވިދާޅުވިއެވެ.
advertisment