ކްރިމިނަލް ކޯޓަށް ހުށަހެޅި މައްސަލައެއްގައި ހުކުމް ކުރާ މަޖިލިސް ނުބާއްވައިގެން އެ ކޯޓުގެ ގާޒީއެއްގެ މައްސަލަ ބެލުމަށް ޖުޑިޝަލް ސާވިސް ކޮމިޝަން (ޖޭއެސްސީ) އިން ނިންމައިފިއެވެ.
ޖޭއެސްސީން ނެރުނު ބަޔާނުގައި ބުނެފައިވާ ގޮތުގައި ސުލޫކީ މައްސަލައެއްގެ ގޮތުގައި އެ ކޮމިޝަނުން ބެލުމަށް ނިންމާފައި ވަނީ ކްރިމިނަލް ކޯޓުގެ ގާޒީ ޞަފްވަތު ޙަބީބްގެ ސުލޫކީ މައްސަލައެއެކެވެ.
ޖޭއެސްސީން ބުނެފައިވާ ގޮތުގައި ކްރިމިނަލް ކޯޓަށް ހުށަހެޅި މައްސަލައެއްގައި ޚުލާސާ ބަޔާން ހުށަހަޅައި މައްސަލައިގެ އަޑުއެހުން ނިމިފައިވީނަމަވެސް، ޖިނާޢީ އިޖުރާއަތުގެ ޤާނޫނުގައި ބަޔާންކޮށްފައިވާ ފަދައިން މައްސަލައިގެ ޚުކުމް ކުރުމުގެ މަޖިލިސް ގާޒީ ސަފްވަތު ބާއްވާފައެއް ނުވެއެވެ.
މި މައްސަލައާ ގުޅިގެން ކްރިމިނަލް ކޯޓުގެ ޤާޒީ ޞަފްވަތު ޙަބީބްގެ ސުލޫކީ މައްސަލައެއް ބަލަން ކޮމިޝަންގެ މައްސަލަ ބެލުމާމެދު ގޮތެއް ނިންމާފައިވާ ކޮމިޓީއިން ނިންމާފައިވާތީ، 2022 ނޮވެމްބަރ 16 ވީ ބުދަ ދުވަހު ބޭއްވި ޖުޑީޝަލް ސަރވިސް ކޮމިޝަނުގެ 82 ވަނަ ޖަލްސާގައި މިމައްސަލަ ތަޚްޤީޤު ކުރުމަށް ކޮމިޓީއެއް ވަނީ އެކުލަވާލައިފައިވެއެވެ.
advertisment