ރައްޔިތުން އަތުން ނަގާ ޓެކްސް ފައިސާގެ އަދަދުތައް އިތުރު ކުރީ ރާއްޖެ ބަނގުރޫޓު ވިޔަ ނުދިމައްޓަކައިކަމަށް އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ސިފަކުރައްވައިފިއެވެ.
ވޯލްޑު ބެންކުގެ ދެކުނު އޭޝިއާ ސަރަހައްދުގެ ނައިބު ރައީސް މާޓިން ރައިސަރ ރައީސް ސާލިހުގެ އަރިހައް ޒިޔާރަތްކުރައްވައި ކުރެއްވި މަޝްވަރާތަކުގެ ތެރެއިން އެމަނިކުފާނުގެ ސަރުކާރުން ނިންމާފައިވާ ނިންމުންތައް އުނދަގޫ ނަމަވެސް ރަނގަޅުކަމަށް ފާހަގަކުރެއްވިކަމަށް އިޝާރާތްކުރައްވާ ރޮޒައިނާ ވިދާޅުވީ، ދެވަނަ ދައުރަކަށް ކުރިމަތިލެއްވުމަށް ނިންމަފައިގެން ހުންނެވި ރައީސަކަށް ކުރައްވަން އެންމެ އުނދަގޫ އެއް ކަމަކީ ޓެކްސް ބޮޑު ކުރުންކަމަށެވެ.
ދެވަނަ ދައުރަކަށް ކުރިމަތި ލައްވާނެ ކަމަށް ވިދާޅުވެފައިވާ ރައިސަކަށް ކުރައްވަން އެންމެ އުނދަގޫ އެއްކަމަކަށް ވާނީ ޓެކްސް ބޮޑުކުރެއްވުން.
ވެރިކަން ހޯދުމަށްވުރެން ގައުމު ބަނގުރޫޓުނުވެ އޮތުން މުހިއްމު ކަމަށް ދެކި ރައިސް @ibusolih އެޅުއްވި ފިޔަވަޅުތަކަށް ދުނިޔޭގެ ތައުރީފް.
#Ibu2023 pic.twitter.com/xWytZb6z3B— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) December 9, 2022
ރޮޒައިނާ ވިދާޅުވީ، އެމަނިކުފާނު ކުރިމަތިލައްވާނެކަން އިއުލާނު ކުރެއްވި ނަމަވެސް، ރައީސް ސާލިހު އެކަން ކުރެއްވީ އެމަނިކުފާނު ވެރިކަން ހޯއްދެވުމަށްވުރެ، ގައުމު ބަނގުރޫޓުނުވެ އޮތުން މުހިންމުކަމަށް ދެކިލައްވާތީކަމަށް ފާހަގަކުރައްވާ ރޮޒައިނާ ވަނީ އެމަނިކުފާނަށް ދުނިޔޭގެ ތައުރީފު ލިބެމުންދާކަމަށް ވިދާޅުވެފައެވެ.