އަނބިމީހާ މަރާލިކަމަށް ތުހުމަތު ކުރެވި ބަންދު ކުރެވިފައި ހުއްޓާ ދަންޖެހިގެން މަރުވުމަށް މަސައްކަތް ކުރި އަބޫބަކުރު ފައިސަލްގެ ހަށިގަނޑު އާއިލާއާއި ހަވާލުކޮއްފައިވާކަމަށް ފުލުހުންގެ މުވައްސަސާއިން ބުނެފިއެވެ.
ނޮޅިވަރަމްގައި އެނާގެ އަނބިމީހާ ނިޝާމާ މަރާލުމުގެ ތުހުމަތު ކުރެވި، ދައުލަތުގެ ބެލުމުގެ ދަށުގައި ހުއްޓާ ދަންޖެހެން މަސައްކަތްކުރި ފައިސަލްއަށް ވަނީ ފަރުވާދީފައެވެ. އެގޮތުން އެނާ ވަނީ ވެންޓިލޭޓަރެއްގައި ބާއްވާފައިކަމަށްވީނަމަވެސް، އެނާ އޮތީ ސީރިއަސް ހާލަތެއްގައެވެ. އެނާ މަރުވެފައިވަނީ ވެންޓިލޭޓަރުގައި ބާއްވާފައި އޮއްވާ އިއްޔެގެ ހެނދުނުގެ ވަގުތެއްގައެވެ.
ފައިސަލްގެ މައްޗަށް އަނބި މީހާ މަރާލިކަމުގެ ތުހުމަތުތައް ކުރެވިފައިވީނަމަވެސް، ނިޝާމާގެ މަރާއި ގުޅޭގޮތުން ފުލުހުންގެ މުއައްސަސާއިން އިތުރު މައުލޫމާތުތައް ދީފައިނުވެއެވެ. ނިޝާމާގެ ހަށިގަނޑު ފެނުނީ އޭނާ ދިރިއުޅުން ގޭގެ ތެރެއިންކަމަށްވާއިރު، އެނާގެ ދަރިންވެސް އެވަގުތު ގޭގައި ހާޒިރުވެ ތިއްބެވެ.
One Response
ގޭގައި ހާޒިރުވެ ތިއްބޭ ބުނީމަ ހީވަނީ އެހެން ތަނެއްގައި އުޅޭ ބަޔަކު އެގެއަށް އެގަޑީގައި ހާޒިރުވެ ތިބީ ކަމަށް، އިނގިރޭސި ބަހުގައި ޕްރެސެންޓް އަކީ ހާޒިރު، އެކަމަކު ޕްރެސެންޓް އެޓް ހޯމް އަކީ އެވަގުތު ގޭގައި ތިބުން. ހާޒިރުވީއެކޭ ނުބުނާނެ ކަންނޭގެ.