2023 ވަނަ އަހަރަކީ އުންމީދާއި އެކު ގޮންޖުންތައްވެސް ކުރިމަތިވެގެންދާނެ އަހަރަކަށްވެގެންދާނެކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
އާ އަހަރުގެ ތަހުނިޔާ އަރިސްކުރައްވާ، އެމަނިކުފާނު ކުރެއްވި ޓްވީޓެއްގައި ރައީސް ނަޝީދުވަނީ 2023 ވަނަ އަހަރުގެ ތެރޭގައި ދިވެހިރާއްޖެއަށް ކުރިމަތިވެގެންދާނެކަމަށް ލަފާކުރައްވާ ގޮންޖެހުންތަކަށް އަލިއަޅުއްވާފައެވެ. އެމަނިކުފާނު ވިދާޅުވީ، މި އަހަރުތެރޭގައި ޓެކްސް ބޮޑު ކުރުމުގެ ސަބަބުން ދިމާވެގެންދާނެ ދަތިތައް ތަހައްމަލު ކުރަންޖެހޭނެކަމަށެވެ.
ރައީސް ނަޝީދު ވިދާޅުވީ، އިންފްލޭޝަން ރޭޓު މައްޗަށް ގޮސް ތަކެތީގެ އަގުތައް އުފުލިދިއުމުގެ ސަބަބުން ކުރިމަތިވެގެންދާނެ ދަތިތަކާއިވެސް ކުރިމަތިލުން އޮތީކަމަށެވެ. އަދި އެކަމުގެ ސަބަބުން ރައްޔިތުންގެ ދިރިއުޅުމުގެ ތެރެއިން އުނދަގޫތަކެއް ވެގެންދާނެކަމަށްވެސް ވިދާޅުވެފައިވެއެވެ.
Happy New Year everyone. 2023 will be a year of hopes and challenges. Higher taxes, inflation and prices will be a struggle. And climate change continues to cause extreme weather. But I hope we choose to get a grip on things, turn the corner, and make things better. pic.twitter.com/wdhsbEXdq3
— Mohamed Nasheed (@MohamedNasheed) December 31, 2022
ރައީސް ނަޝީދު ވިދާޅުވީ، މޫސުމީ ބަދަލުތަކުގެ ސަބަބުން، ކުރަމުންދާ ނޭދެވޭ އަސަރުތައް ދަނީ އިތުރުވަމުންކަަމަށެވެ. އެހެންނަމަވެސް ކަންކަން ހައްލު ކުރުމަށް އުންމީދު ކުރައްވާކަމަށްވެސް ވިދާޅުވެފައިވެއެވެ.
މި އަހަރުގެ ތެރޭގައި ބޮޑެތި ދަތިތަކާއި ކުރިމަތިލާންޖެހޭނެކަމަށް ރައިސް ނަޝީދު ލަފާކުރައްވާއިރު، ރައީސް ސާލިހުވަނި އެމަނިކުފާނު ފޮނުއްވި ތަހުނިޔާ މެސެޖުގައި ދިވެހިރާއްޖެއަށް ރަނގަޅު ގޮތްތަކެއް ވެދާނެކަމަށް އުންމީދު ކުރައްވާކަމަށް ފާހަގަކުރައްވާފައެވެ.
advertisment