އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ރައީސް އިބްރާހިމް މުހައްމަދު ސާލިހްގެ ތަރުޖަމާނަކަށް ޑިފެންސް މިނިސްޓަރު މާރިޔާ އަހްމަދު ދީދީ ހަމަޖައްސައިފިއެވެ.
#MDPKuriah – Raees @ibusolih ge riyaasee primary campaign aa gulhey mauloomaathu media aa hissa kuravvaanee mi campaign ge spokesperson @mariyadidi kamugai dhannavan.
— Mohamed Nashiz (@Mnashiz) January 4, 2023
ރައީސް ސާލިހުގެ ކެމްޕޭން މެނޭޖަރު އަދި ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު މުހައްމަދު ނާޝިޒް ކުރެއްވި ޓްވީޓެއްގައިވަނީ ކެމްޕޭން އާއި ގުޅޭ މައުލޫމާތު މީޑިއާ އާ ހިއްސާ ކުރައްވާނީ ކެމްޕޭންގެ ސްޕޯކްސްްޕާސަން ކަމަށެވެ.
އެހެންކަމުން ރައީސް ސާލިހްގެ ފަރާތުން މީޑިއާ އަށް ދޭންޖެހޭ މައުލޫމާތުތަކާއި ޕްރެސް ކޮންފަރެންސް ތަކުގައި ކުރިއަށް އޮތްތަނުގައި މާރިޔާ ބައިވެރިވެ ވަޑައިގަންނަވާނެއެވެ.
މާރިޔާ ވަނީ 2018 ވަނަ އަހަރުގެ ރިޔާސީ އިންތިހާބުގައިވެސް ރައީސް ސާލިހުގެ ތަރުޖަމާނުކަން ކުރައްވާފައެވެ.
އެމްޑީޕީގެ ރިޔާސީ ޕްރައިމަރީ ބޭއްވުމަށް ހަމަޖެހިފައިވަނީ މި ޖަނަވަރީ މަހުގެ 28 ވަނަ ދުވަހުއެވެ.
ރިޔާސީ ޕްރައިމަރީގައި ވާދަކުރައްވަނީ އެމްޑީޕީގެ ރައީސް އަދި މަޖިލީހުގެ ރައީސް މުހައްމަދު ނަޝީދާއި ރައީސް ސާލިހް އެވެ. މި ދެބޭފުޅުންވެސް ގެންދަވަނީ ފޯރިގަދަ ވާދަވެރި ކެމްޕޭނެއް ކުރައްވަމުންނެވެ.
advertisment