ދިވެހިރާއްޖޭގެ އިގްތިސާދީ ދުވެލި ގޮތުގައި ވޯލްޑު ބޭންކުން އަންދާޒާކޮށްފައިވަނީ އެމްއެމްއޭ އަދި ފިނޭންސް މިނިސްޓްރީއިން އަންދާޒާކޮށްފައިވާ ވަރަށްވުރެ އިތުރު އިންސައްތައެއްކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެއެވެ.
2022 ވަނަ އަހަރުގެ ދިވެހިރާއްޖޭގެ އިގްތިސާދީ ދުވެލީގެ ފޯކާސްޓު ގޮތުގައި ވޯލްޑު ބޭންކުން ޝާއިއުކޮށްފައިވަނީ 12.4 އިންސައްތަކަމަށް ފާހަގަކުރައްވާ އަމީރު ވިދާޅުވީ، ކުރިން އެ މުއައްސަަސާއިން އަންދާޒާކޮށްފައިވަނީ 7.6 އިންސައްތަކަމަށެވެ. އެހެންކަމުން މިހާރު އެ ދުވެލީގެ ރޭޓަށް ބޮޑު ބަދަލުތަކެއް އައިސްފައިވާކަމަށް މިނިސްޓަރު ފާހަގަކުރެއްވިއެވެ.
އަދި 2023 ވަނަ އަހަރު ރާއްޖޭގެ އިގުތިސާދީ ދުވެލީގެ ފޯކާސްޓް ވަނީ %8.2 އަށް ލަފާކޮށްފައި. މިއަންދާޒާތަކަކީ އަކީ @MoFmv އަދި @MMA_Maldives ގެ އަންދާޒާތަކަށް ވުރެވެސް މަތީ އަދަދެއް. (2/3)
— Ibrahim Ameer (@iameeru) January 12, 2023
މިނިސްޓަރު ވިދާޅުވީ، އެ ފޯކާސްޓަށް ބަދަލުތަކެއް އައިސްފައިވަނީ ރާއްޖޭގެ އިގްތިސާދު ރުޖޫއަވަމުން އަންނަ މިންގަނޑުވެސް އިތުރުވުމުގެ ސަބަބުންކަމަށެވެ. އަދި 2023 ވަނަ އަހަރުގެ ފޯކާސްޓުގެ ގޮތުގައި ލަފާކޮށްފައިވަނީ 8.2 އިންސައްތަކަަމަށް ފާހަގަކުރައްވާ ވިދާޅުވީ، މިއީ އެމްއެމްއޭ އަދި ފިނޭންސްއިންވެސް ލަފާކޮށްފައިވާ ވަރަށްވުރެ މަތީ އަދަދެއްކަމަށެވެ.
އަމީރު ވިދާޅުވީ، މި ސަރަހައްދުގައި އެންމެ ބާރު ދުވެއްޔެއްގައި ކުރިއަރާނެކަމަށް ލަފާކޮށްފައިވަނީ ދިވެހިރާއްޖެ ކަމަށެވެ.