ބޮޑު ކާމިޔާބެއް ލިބުނު ކަމަށްވާނީ ގިނަ ވާދަވެރިން އަދި އަދާވާތްތެރިންނާއިއެކު ވާދަކޮށް ކުރި ހޯދުމުންކަމަށް އަދާލަތު ޕާޓީގެ ރައީސް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
އިންތިހާބެއްގެ ތެރެއިން ހަގީގަތުގައި ކުރިއެރުމެއް ލިބުނު ކަން އިހުސާސް ކުރެވިގެންދާނެ ގޮތާއިމެދު އިމްރާން ދެކިލައްވާ ގޮތް ހިއްސާ ކުރައްވަމުން އިމްރާން ވިދާޅުވީ، ބޮޑު ކާމިޔާބީއެއް ކަމަށް ބެލެވޭނީ ގިނަ އަދި އަދާވާތްތެރި ވާދަވެރިން ތިބި އިންތިހާބެއްގައި ކުރި ހޯދުމުންކަމަށެވެ.
އެނާ ވިދާޅުވީ، އިންތިހާބެއްގައި ކުރި ހޯދުމުގެ ފޮނިކަމެއްވެސް އިހުސާސް ކުރެވޭނީ ރަނގަޅަށް ވާދަކޮށްލައިގެން ކާމިޔާބެއް ލިބުމުންކަމަށެވެ.
Bodu kaamiyaabeh libunu kamah vaanee gina vaadhaverinna,bodethi adhavaaiytherinaa vaadhakoh kuri hoadhuneemaeve.
Fonikameh ihusaas kureveynee rangalhah vaadhakohlaigen kaamiyaabu libuneemaeve.— Imran Abdulla (@ShimranAb) January 14, 2023
ބޮޑު ކާމިޔާބީ އެއް ލިބިގެންދާނީ ގިނަ ވާދަވެރިން ތިބުމުންކަމަށް މިނިސްޓަރު އިމްރާން ވިދާޅުވެފައިވާއިރު، އިދިކޮޅުން ދަނީ ފާޑުކިޔުން އަމާޒުކުރަމުންނެވެ. އެގޮތުން އިދިކޮޅު ޕީއެންސީގެ ނައިބު ރައީސް އިބްރާހިމް ޝުޖާއުވަނީ އެހެން ނަމަވެސް ރައީސް ޔާމީން އާއި ވާދަކުރައްވަން ރައީސް ސާލިހުއަށް ކެރިވަޑައިނުގަންނަވާ ސަބަބު ސާފުކުރެއްވުމަށް އެދިވަޑައިގަންނަކަމަށެވެ.
ފޮނި އިހުސާސް ކުރެވޭނީ ރަނގަޅަށް ވާދަކޮށްލައިގެން ކާމިޔާބީ ލިބުމުންކަމަށް އިމްރާން ވިދާޅުވިއިރު، އިދިކޮޅުގެ ރިޔާސީ ކެނޑިޑޭޓު ކުރީގެ ރައީސް އަބްދުﷲ ޔާމީން އަބްދުލް ގައްޔޫމް ހުންނެވީ ވ އާރަށު މައްސަލައިގައި 11 އަހަރުގެ ޖަލު ހުކުމެއް ތަންފީޒުކުރެއްވުމުގައެވެ. ރައީސް ޔާމީންގެ މައްޗަށް ހުކުމްކޮށްފައިވަނީ މަނީ ލޯންޑަރިންގް އަދި ރިޝްވަތު ގަބޫލު ކުރުމުގެ މައްސަލަ ސާބިތުވާކަމަށް ކްރިމިނަލް ކޯޓުން ނިންމުމުންނެވެ.
advertisment