މާލޭ ސިޓީ ކައުންސިލުން އަންނަ މަހު ވިލިމާލޭގައި ބަގީގެ ހިދުމަތް ފަށަން ތައްޔާރުވިކަން އިއުލާންކޮށްފައި ވަނިކޮށް، އެމްޓީސީސީން މާދަމާ އެ އަވަށުގައި ބަހުގެ ހިދުމަތް ފަށަން އިލެކްޓްރިކް ބަސްތަކެއް ގެންދިއުމުން ކައުންސިލުން ޕޮލިހާއި ލޯކަލް ގަވަމަންޓް އޮތޯރިޓީ (އެލްޖީއޭ) އަށް މައްސަލަ ހުށަހަޅައިފިއެވެ.
މިކަމާއި ގުޅިގެން ޓުވީޓެއްކުރައްވާ މުއިއްޒު ވިދާޅުވީ ކައުންސިލުގެ ހުއްދައެއް ހޯދުމަކާއި ނުލައި ގަވާއިދާއި ހިލާފަށް ވަގަށް ރޭ ދަންވަރު ވިލިމާލެއަށް ބަސްތަކެއް އަރުވާފައިވާކަމަށެވެ. މުއިއްޒު ވިދާޅުވީ މިކަން ފުލުހުންގެ މުއައްސަސާއާއި އެލްޖީއޭގެ ސަމާލުކަމަށް ވަނީ ގެނެވިފައިކަމަށެވެ. އަދި ވިދާޅުވެފައިވަނީ ޕާޓީގެ އެތެރޭގެ ޕްރައިމަރީއަށް ނުފޫޒު ފޯރުވުމަށް ޤާނޫނުތައް މުގުރާލުން އިންތިހާގައިކަމަށެވެ.
ކައުންސިލްގެ ހުއްދައެއް ހޯދުމަކާ ނުލާ ގަވާއިދާ ޚިލާފަށް، ވަގަށް، ރޭ ދަންވަރު ވިލިމާލެއަށް ބަސްތަކެއް އަރުވާފައި. މިކަން @PoliceMv ސަމާލުކަމަށް އަދި @lgaMaldives ގެ ސަމާލުކަމަށް ވާނީ ގެނެސްފައި. ޕާޓީގެ އެތެރޭގެ ޕްރައިމަރީއަށް ނުފޫޒު ފޯރުވުމަށް ޤާނޫނުތައް މުގުރާލުން އިންތިހާގައި! pic.twitter.com/zajI490Ljc
— Dr Mohamed Muizzu (@MMuizzu) January 19, 2023
ވިލިމާލޭގައި ބަހުގެ ހިދުމަތް ފެށުމަށް ނިންމާފައިވާކަން ކައުންސިލާއި ހިައްސާކޮށްފައނުވާތީ މި ހިދުމަތް ދިނުމަށް ހަމަޖެހިފައިވާ ކުންފުނި އެމްޓީސީސީގެ ސީއީއޯ އާދަމް އާޒިމާއި މިކަމާއި ގުޅިގެން “ސަންގުން” ސުވާލުކުރުމުން ވިދާޅުވީ އެކަން ސިޓީ ކައުންސިލާއި ހިއްސާކުރާނީ ސަރުކާރުންކަމަށެވެ.
Good News Citizens of Villimale & of Male City! Our EV buses have now arrived at Villimale. 🚌#RayyithungeKunfuni #RTLbus
— MTCC Plc (@MTCCPlc) January 19, 2023
އާޒިމް ވިދާޅުވީ މާލެ ސިޓީގެ އަވަށެއްކަމުގައިވާ ވިލިމާލެގެ ރައްޔިތުން ރާއްޖެ ޓްރާންސްޕޯޓް ލިންކް (އާރުޓީއެލް) ބަހުގެ ނިޒާމަށް ވަރަށް ބޮޑަށް އެދެމުން އަންނަކަމަށެވެ. އަދި ވިދާޅުވީ ދަތުރުފަތުރުގެ ކަންކަމަކީ ވިލިމާލޭގެ ރައްޔިތުނަށް ވަރަށް ދަތިވެފައިވާކަމެއްކަމަށެވެ. އާޒިމް ވިދާޅުވީ ސަރުކާރުން ބޭނުންވަނީ މި ހިދުމަތް ވިލިގިއްޔަށް އެމްޓީސީސީ މެދުވެރިކޮށް ފޯރުކޮށްދިނުމަށްކަމަށެވެ.
advertisment