މާލެ ސިޓީ ކައުންސިލުން ބަގީގެ ހިދުމަތްތައް ދެމުން އައިސްފައިވަނީ ހޯދުމުގެ ފުރުސަތު އޮތް އެތައް މިލިއަން ރުފިޔާއެއްގެ އާމްދަނީ ނުލިބިދާ ގޮތަށްކަން މޭޔަރު އާދަމް އާޒިމް ހާމަކުރައްވައިފިއެވެ.
މާލެ ސިޓީ ކައުންސިލުން ބޭއްވި ބައްދަލުވުމެއްގައި ވާހަކަދައްކަވަމުން މޭޔަރ އާޒިމްވަނީ ކައުންސިލުގެ މަސައްކަތްތައް އިތުރަށް ހަރުދަނާކުރުމާއި ގުޅޭގޮތުން ވާހަކަދައްކަވާފައެވެ. އާޒިމް ވިދާޅުވީ، ބަގީގެ ހިދުމަތްތައް އައުޓް ސޯސްކޮށްގެން ކުރިއަށް ގެންދިއުމުން މާލެ ސިޓީ ކައުންސިލުން އަހަރެއްގެ މައްޗަށް 4.7 މިލިއަން ރުފިޔާ ހޭދަކުރަންޖެހޭކަމަށެވެ.
އެހެންނަމަވެސް އެކަށީގެންވާ އަދަދަކަށް މުއައްޒަފުން ނަގައިގެން ކައުންސިލުން އެ މަސައްކަތްތައް އަމިއްލައަށް ކުރުމުން ހަރަދުވަނީ އަހަރެއްގެ މައްޗަށް 1.5 މިލިއަން ރުފިހާކަމަށް ފާހަގަކުރެއްވިއެވެ.
އެނާ ވިދާޅުވީ، އަމިއްލައަށް އެ މަސައްކަތްތައް ކުރުމުން ފައިދާގެ ގޮތުގައި ކައުންސިލަށް 3.1 މިލިއަން ރުފިޔާ ލިބިގެންދާކަމަށެވެ. އޭނާ ވިދާޅުވީ އެއީވެސް ހިދުމަތް ރަނގަޅުކުރުމުގެ އިތުރުން ކުރެވިދާނެ ކަމެއް ކަމަށެވެ.
advertisment