ފެބްރުއަރީ މަހު ޗައިނާއިން ރާއްޖެއަށް ގުރޫޕު ދަތުރުތައް ފެށުމަށް ނިންމައިފި

ރާއްޖެއަށް ޗައިނާގެ ފަތުރުވެރިންގެ ގުރޫޕުތަށް ޒިޔާރަތްކުރަން ފަށާނެކަމަށް ރާއްޖޭގައި ހުންނަ ޗައިނާގެ އެމްބަސީއިން ބުނެފިއެވެ.

ޗައިނާގެ އެމްބަސީއިން ކުރި ޓްވީޓެއްގައި ބުނެފައިވާގޮތުން، ކުރިއަށް އޮތް ފެބްރުއަރީ މަހުގެ 6 ވަނަ ދުވަހުން ފެށިގެން ޗައިނާގައި ފަތުރުވެރިކަމުގެ މަސައްކަތްތައް ކުރާ އޮޕަރޭޓަރުން ބައެއް ގައުމުތަކަށް ގުރޫޕު ޓުަރތައް އަލުން ފެށުމަށް ނިންމާފައިވާކަމަށެވެ.

އެމްބަސީއިން ބުނެފައިވާގޮތުން އަލުން ފަތުރުވެރިން ފޮނުވަން ފެށުމަށް ނިންމާފައިވާ ގައުމުތަކުގެ ތެރޭގައި ރާއްޖެ ހިމެނެނީ ފުރަތަމަ ގުރޫޕުގައިކަމަށެވެ.

Breaking: China announced today that starting from Feb 6, 2023, Chinese travel agencies and online travel companies will resume pilot outbound group tours for Chinese citizens to relevant countries. The Maldives is among the first group of countries of destination. pic.twitter.com/JmUJBOpyhq

— Embassy of China in Maldives (@ChinaEmbassy_MV) January 20, 2023

އެތައް އަަހަރެއް ލޮކްޑައުންގައި އޮތުމަށްފަހު، ޗައިނާގެ ބޯޑަރުތައް ހުޅުވާލާފައިވަނީ ދާދި ފަހުންކަމަށްވާއިރު، މިކަމުގެ ސަބަބުން އަލުން ކޮވިޑްގެ ބަލިމަޑުކަން ފެތުރުމުގެ ބިރު އޮތްކަމަށް ވޯލްޑު ހެލްތު އޮރގަނައިޒޭޝަނުންވަނީ ފާހަގަކޮށްފައެވެ. އަދި ބައެއް ގައުމުތަކުން ޗައިނާއިން ޒިޔާރަތްކުރާ ފަތުރުވެރިންނަށް ކޮވިޑް ޓެސްޓު ހެދުމަށް މަޖުބޫރު ކުރުމަށް ނިންމާފައިވާއިރު، އެ ގައުމުންވަނީ އެކަމާއިމެދު ނުރުހުންވާކަން ހާމަކޮށްފައެވެ.