ގއ ދާންދޫގެ މަސް ދޯންޏެއް ބިންދައިގެން ގޮސްފި

މަސްވެރިކަން ކުރުމަށް ނުކުމެ އުޅުނު ގއ ދާންދޫގެ ދޯންޏެއް ބިންދައިގެން ގޮސްފިއެވެ.

މިފްކޯއިން ސޯޝަލް މީޑީއާގައި ހިއްސާކޮށްފައިވާ ގޮތުން، ބިންދައިގެން ގޮސްފައިވަނީ ދާންދޫ އަށް ނިސްބަތްވާ ފަހިރޯދި ކިޔާ ދޯންޏެކެވެ. އަދި ދޯނި ބިންދައިގެން ދިއުމާއި އެކު، އެހީތެރިކަމަށް އެދުމުން އެ ކުންފުނީގެ ރަންދި 23 ބޯޓުންވަނީ އެހީތެރިކަން ފޯރުކޮށްދީފައިކަމަށް ބުނެފައިވެއެވެ. މިފްކޯއިން އާންމުކޮށްފައިވާ ފޮޓޯތަކުން ފެނިގެންދާގޮތުން، ފަހިރޯދި ދޯންޏަށްވަނީ ބޮޑެތި ގެއްލުންތައް ވެފައެވެ.

ގއ. ދާންދޫ ފަހިރޯދި ދޯނި ރޭ ދަންވަރު ވަގުތެއްގައި ބިންދައިގެންގޮސް އެހީތެރިކަމަށް އެދުމުން މިފްކޯގެ ރަންދި 23 ބޯޓުން ވަނީ އެހީތެރިކަން ފޯރުކޮށްދީފައި. މިހިތާމަވެރި ހާދިސާގައި ދޯންޏަށް ބޮޑެތި ގެއްލުންތަކެއް ލިބިފައިވޭ. pic.twitter.com/TNJoI8Ml6D

— MIFCO (@mifcomv) January 22, 2023

އެ ކުންފުނިން ބުނެފައިވާގޮތުން މަސް ދޯނި ފަހަރަކީ ދެމެެހެއްޓިނިވި އުސޫލެއްގެ މަތިން މަސްވެރިކަން ކުރަމުންދާ ދިވެހި މަސްވެރިންގެ އާންމު ދިރިއުޅުމާއި ގުޅިލާމެހިފައިވާ ތަކެތިކަމަށްވުމުން، މި ހާދިސާ އާއި ގުޅިގެން ހިތާމަކުރެއެވެ.

އެމްއެންޑީއެފްގެ ކޯސްޓު ގާޑުންވެސް ވަނީ ދޯންޏަށް އެހީތެރިވުމުގެ ގޮތުން އެ ސަރަހައްދަށް ގޮސްފައެވެ. އެހެން ނަމަވެސް އެ މުއައްސަސާއަށް ހާޒިރުވެވުނު އިރު ދޯންޏަށް އެހީތެރިކަން ފޯރުކޮށްދީފައިވާކަމަށް އެމްއެންޑީއެފްއިން ބުނެފައިވެއެވެ. ހާދިސާ ހިނގި އިރު ގިނަ އަދަދެއްގެ މީހުން ދޯނީގައި ތިބި ކަމަށް މައުލޫމާތު ލިބެއެވެ.