ދިވެހިރާއްޖޭގެ މަސްވެރި ދޯނިތަކެއް އިންޑިއާގެ ސިފައިން ބަލާ ފާސްކޮށްފައިވާ މައްސަލައިގައި ސަރުކާރުން ފިޔަވަޅުތައް އަޅާފައިވާކަމަށް އެމްއެންޑީއެފްއިން ބުނެފިއެވެ.
ރާއްޖޭގެ މަސްދޯންޏެއް އިންޑިއާގެ ހަތިޔާރު އެޅި ސިފައިންތަކެއް ހިފަހައްޓައި، ދޯނީގައި ތިބި މީހުން ނުރައްކާތެރި ހާލަތެއްގައި ބައިތިއްބައި ފާސްކޮށްފައިވާ މައްސަލައެއް ފެންމަތިވެ މީޑިއާތަކުން ރިޕޯޓުކުރަމުންދާއިރު، އެމްއެންޑީއެފްއިން ވަނީ އެކަމާއި ގުޅިގެން ބަޔާނެއް ނެރިފައެވެ.
އެމްއެންޑީއެފްއިން ބުނެފައިވާގޮތުން ޖެނުއަރީ 31 އަދި ފެބްރުއަރީ 1 ވަނަ ދުވަހު އިންޑިއާގެ ކޯސްޓުގާޑު މަނަވަރަކުން ދިވެހިރާއްޖޭގެ ހާއްސަ އިގްތިސާދީ ސަރަހައްދުގެ ތެރޭގައި ހަރަކާތްތެރިވެފައިވާކަމަށެވެ. އެ މުއައްސަސާއިން ބުނެފައިވާގޮތުން އިންޑިއާގެ ސިފައިންވަނީ ދިވެހިރާއްޖޭގައި މަސްވެރިކަން ކުރާ ބައެއް ދޯނިތަކަށް އަރާފައެވެ. އެހެންކަމުން އެކަމާއި ގުޅިގެން ސަރުކާރާއި ގައުމީ ދިފާއީ ބާރުންވަނީ ފިޔަވަޅުތަކެއް އަޅާފައިކަމަށް ބުނެފައިވެއެވެ.
އެމްއެންޑީއެފްއިން މީގެ ކުރިން މިކަމާއި ގުޅޭގޮތުން ނެރިފައިވާ ބަޔާނުގައި އެ މުއައްސަސާއިންވަނީ ބައިނަލްއަގްވާމީ ކަނޑުގެ ގާނޫނުތަކާއި އުސޫލުތަކާއި ހިލާފަށް އިންޑިއާގެ އަސްކަރިއްޔާއިން ރާއްޖޭގެ މަސްދޯނިތަކެއް ބޯޑުކޮށް ހިންގި އޮޕަރޭޝަންގެ ތަފްސީލު ދިނުމަށް ފޮރިން މިނިސްޓްރީ މެދުވެރިކޮށް އިންޑިއާ ސަރުކާރުގައި ރަސްމީކޮށް އެދިފައިވާކަން ހާމަކޮށާްފައެވެ.
3 Responses
އިންޑިޔާ ސިފައިން ތިބީ ބިރުން ރެވިފަ…. ރާއްޖެ ސިފައިން ގޮސް ހަމަލާ ދީފާނެ ތިން…. ބޮޑު ތެލި ދަށައް ވަތްތާ އަދި މާގިނަ ދުވަހެއް ނުވޭ…. ކުދި ގައުމުތައް ގައުމު ހިމާޔަތް ކުރަނީ ޖެހިގަނެއްގެން ގަދަބަސް ބުނެގެނެއްނޫން… އެންމެ މޮޅަށް އެކަން ކުރީ މައުމޫނު… މައުމޫނު ވެރިކަމުން ފޭބިފަހުން އޮންނަނީ އަަބަދުވެސް އަތައް ގޮވާފަ….
India meehun kanthah thankolheh c koh balan ebajehey haassakoh male thojjehi gen ulhey thanehga thee biru body vaahaka eh
މަވެސް ތިޔަ މައްސަލައިގަ ގޭން ގޮނޑުދޮށަށް ވިއްސަކަށް ފިޔަވަޅު އަޅައިފިން. އާންމު ފަރުދަކަށް މިވަރުން ފުދޭނެކަމަށް މިބަލަނީ.