ދައްކާ ވާހަކައަށް ވުރެ ބޮޑަށް ރައްޔިތުން ބަލައިގަންނާނީ އަމަލުން ފެންނަ ކަންކަންކަމަށް ހޯމް މިނިސްޓަރު އަދި އަދާލަތު ޕާޓީގެ ލީޑަރު އިމްރާން އަބްދުﷲ ވިދާޅުވެއްޖެއެވެ.
ޓުވީޓެއްކުރައްވާ އިމްރާން ވިދާޅުވެފައިވަނީ ގައުމާއި ރައްޔިތުންނަށް ފައިދާކުރާ ކަންކަމަކީ އަމަލީ ގޮތުން ފެންނަ ކަންކަން ކަމަށެވެ. އެހެންކަމުން ދައްކާ ވާހަކައަށްވުރެ ބޮޑަށް ބަލައިގަންނާނީ ފެންނަން ހުންނަ ހަގީގަތްކަމަށް އިމްރާން ވަނީ ވިދާޅުވެފައެވެ.
Qauma rayyithunnah faidhaa huri kan kamakee amalee gothun fenna kankameve.
Dhahkaa vaahakayah vure bodah balaigannanee fennan hunna hageegaiy thakeve.— Imran Abdulla (@ShimranAb) January 23, 2023
ބެލެވޭ ގޮތުގައި އިމްރާން މިފަދައިން ވިދާޅުވެ ޓުވީޓެއް ކުރައްވާފައި މިވަނީ ވެރިކަން ކުރާ މައި ޕާޓީ އެމްޑީޕީ ރިޔާސީ ޕްރައިމަރީގައި ހިގަމުންދާ ކަންކަމާއި ގުޅުވައެވެ. އެގޮތުން ޕްރައިމަރީގައި ވާދަކުރައްވާ ދެ ކެޑިޑޭޓުންވެސް ގިނަ ވައުދުތަކެއް ވަމުން ގެންދެވުން މިއީ، މިހެން ވިދާޅުވުމުގެ ސަބަބެއްކަމުގައި ބެލެވެއެވެ.
advertisment