އިޖްތިމާއީ މިންގަނޑުތަކާއި ހިލާފުވެފައިވާކަމަށް ފާހަގަކުރެވުނު މުއައްޒިފަކާއިމެދު ފިޔަވަޅު އަޅާފައިވާކަމަށް ވޭސްޓް މެނޭޖުމެންޓު ކޯޕަރޭޝަން(ވެމްކޯ) އިން ބުނެފިއެވެ.
ވެމްކޯގެ މުއައްޒިފަކު ގެއެއްގެ ސިޑި މައްޗަށް ބޮޑުކަމުދާ ވީޑިއޯއެއް ސޯޝަލް މީޑިއާގައި ދައުރުވާންފެށުމާއިއެކު، އެ ކުންފުނިންވަނީ ބަޔާނެއް ނެރިފައެވެ. ވެމްކޯއިން ބުނެފައިވާގޮތުން، އިޖްތިމާއީ މިންގަނޑުތަކާއި ހިލާފުވާފަދަ އަމަލުތައް ހިންގުމަކީ އެއްވެސް ހާލަތެއްގައި ބަލައިގަނެވޭނެ ކަންކަމެއް ނޫނެކަމަށެވެ.
📢Announcement pic.twitter.com/6ZaypLlWg8
— Waste Management Corporation Limited (WAMCO) (@WAMCOmv) January 23, 2023
އެ ކުންފުނިން ބުނެފައިވާގޮތުން، ފެންމަތިވެފައިވާ މައްސަލަ ދަނީ ބަލަމުންނެވެ. އަދި އިޖްތިމާއީ މިންގަނޑުތަކާއި ހިލާފުވާ އަމަލު ހިންގި މުއައްޒިފު މިހާރުވަނީ ސަސްޕެންޑު ކުރެވި، މަސްއޫލިއްޔަތު ތަކުން އެއްކިބާ ކުރެވިފައިކަމަށާއި، ތަހުގީގުތައް ކުރަމުންދާކަމަށް ފާހަގަކޮށް އެ ކުންފުނިން ވަނީ މާޕަށް އެދިފައެވެ. އަދި މިފަދަ މައްސަލަތައް ކުރިއަށް އޮތްތާ ދިމާނުވާނެ ގޮތަކަށް ކަންކަން ބައްޓަން ކުރުމަަށް މަސައްކަތްކުރާނެކަމަށް ބުނެފައިވެއެވެ.
advertisment