ރޯދަމަހާއި ގުޅުވައި ކުނިއުފައްދާ މިންގަނޑުތައް އިތުރުވެފައިވުމުން ކުނި އުކާލުމުގައި ރައްޔިތުންނަށް ލުއިތަކެއް ގެނެސްދިނުމުގެ ގޮތުން ހިލޭ ބޮޑެތި ކުނިވެސް އުކައިދިނުމަށް ވެމްކޯއިން ނިންމައިފިއެވެ.
ވެމްކޯއިން ހާމަކޮށްފައިވާގޮތުން ރޯދަމަހާއި ދިމާކޮށް ބޮޑެތި ކުނި އުފައްދާ މިންގަނޑުތައްވަނީ އިތުރުވެފައެވެ. އަދި އެ ކުނި އުކާލުމުގައި ދަތިތައް ދިމާވެ ރައްޔިތުންގެ ތެރޭގައި ކަންބޮޑުވުންތައްވެސް އޮތްކަމަށް ހިއްސާކުރިއެވެ. އެހެންކަމުން އެ ކަމަށް ހައްލެއް ގެނެސްދިނުމުގެ ގޮތުން ގްރޭޓާރ މާލެ ސަރަހައްދުގައި އުފައްދާ ބޮޑެތިކުނި އަދި ގެ ސާފުކުރުމުގައި އުފައްދާ ކުނިވެސް ޓްރާންސްފާ ސްޓޭޝަންތަކަށް ގެންދިއުމުން ހިލޭ އުކާލަދިނުމަށް ނިންމާފައިވާކަމަށެވެ.
އެގޮތުން މާޗު މަހުގެ 10 ވަނަ ދުވަހުގެ 18:00 އިން ފެށިގެން 13 ވަނަ ދުވަހުގެ 23:59 ގެ ނިޔަލަށް އަމިއްލައަށް ވަޑައިގެން ކުނި އުކާލެވޭނެކަމަށް ހިއްސާކޮށްފައިވެއެވެ. އަދި މި މުއްދަތުގައި އެންޓްރީ ފީއާއި ޑިސްޕޯސަލް ޗާޖުވެސް ދައްކަން ނުޖެހޭނެކަމަށްވެސް ހިއްސާކޮށްފައިވާއިރު، ވިޔަފާރިތަކަށް ކުނި އުކައިދިނުމުގައި ކަނޑައެޅިފައިވާ އުސޫލަށް ބަދަލެއް ގެނެސްފައިނުވާކަންވެސް އެ ކުންފުނިން ފާހަގަކުރިއެވެ.
advertisment